دمــــــــــــوع النـــــــــــــدم(ارحمنى حبيبى)

إرحمنى حبيبى وطمنى

وإحكيلى إيه غير حالك

ساكت ليه مََتكلمنى

وقوللى إيه شاغل بالك

أشوف دموعك تإلمنى

معرفش إيه إللى جرالك

تملَّى دايما تهجرنى

وانا قلبى مشغول علشانك

أمسح دموعك تجرحنى

وجروح كتيره داويتهالك

بسمه عنيك بتفرحنى

ولمسه إديك ما نسيتهالك

كتر الجفا بيعلمتى

إن الاسى من أفعالك

حبيبى ليه دايما قاسى

تجرح عواطفى وإحساسى

ومهما كان أنا قلبى شَرِِِيك

وإنت إللى قلبك ليه ناسى

قلبى وروحى أنا ملك إديك

وإنت اللى راسمه ف كراسى

قلب كبير مرسوم حواليك

خايف عليك من حراسى

ومهما كان أنا قلبى كبير

هاييجى يوم فيه ويسامحك

وبرضه أنا قلبى لسه أصيل

هينسى جرحك وعمايلك

ونرجع تانى لأحلامنا

وننسى عذابنا وألامنا

ونحقق بالحب أمالنا

ويعود الفرح لأيامنا

=========

مع تحياتى

s@meh_415