الزجل والشعر العامى: يـــا ولاد الكــلب يا حرامـــــيه: "ياولاد الكلب يا حراميه ياولاد الكلب كنت فاكر انى لوحدى .. مش قادر أعييش بيتى لا هدمه نضيفه ولا لقمه .. تكفينى قوتى ياولاد الكل..."
الأحد، فبراير 20، 2011
يـــا ولاد الكــلب يا حرامـــــيه
ياولاد الكلب يا حراميه
ياولاد الكلب
كنت فاكر انى لوحدى ..
مش قادر أعييش بيتى
لا هدمه نضيفه ولا لقمه ..
تكفينى قوتى
ياولاد الكلب ياحراميه
ياولاد الكلب
سرقتوا فلوسنا وفلسنا
وبقولوا محناش لاقيين
نهايتك قبر إنت وهو
متر فى مترين
ياولاد الكلب ياحراميه
ياولاد الكلب
منكو مغلول وهتفرتك
مفقوع م الغيظ
أقسم بالله لو راح أطولكم
هتقولوا يا حفيظ
ما أخلى فيكوا نفس طالع
ولا شيىء نافع
وهمزع فيكم بسنانى
ولعينكم خالع
ياولاد الكلب ياحراميه
ياولاد الكلب
شباب عطلان مش لاقى شغله
وتقولوا مفيش
فالحين فى النهب وفى السرقه
وأخد البقشيش
ياولاد الكلب يا حراميه
ياولاد الكلب
خليتو الشعب ماشى مدروخ
من الادمان
سلخينو ضرايب وعوايد
وكمان حرمان
ياولاد الكلب يا حراميه
ياولاد الكلب
فرحان أنا فيكم والله
ونفسى احرقكم
خربتو الدوله ونهبتوها
يخرب بيتكم
ياولاد الكلب يا حراميه
ياولاد الكلب
========
20/2/2011
محمود السخيلى
الثلاثاء، فبراير 15، 2011
كلمة حق بقولها بجد
كلمة حق بقولها بجد
مش راح اطاطى تانى لحد
وارفع راسى
واعلى كرامتى
مش راح نلطم تانى عـ الخد
وحانقول لأ
زى ما قالها إبنى و إبنك
رافض الظلم ولستعباد
رفع راية الاستعداد
قالها وعمره ما خاف من
حد ... قالها بجد
قالها فــ وش الحاكم الظالم
قالها وسمع كل العالم
عايز حق أبويا وجدى
مش هتنازل مهما تعدى
إنت وكل من حواليك
من طواغيت
على أجسادنا
خد أرواحنا
خللى كلابك ينهشو فينا
دهسوا علينا
مش هستسلم
وهنتكلم
كلمة حق
ونقول ..لأ
لأ للظلم ...لأ للقهر
لأ للسرقه ... ولأ للنهب
ولو هتخلى دمنا نهر
مش هنطاطى
لحاكم واطى
فــ حكمه متبت
طول الدهر
=======
محمود السخيلى
11 /2/2011
الاشتراك في:
الرسائل (Atom)