قائمة المدونات الإلكترونية

الثلاثاء، نوفمبر 02، 2010

ليه ياحبيبى بتإسى عليا


ليه يا حبيبى بتإسى عليا ... بعد ما كنت عايزنى أحبك

إنسى خلاص قلبك مش ليا ... مش من طبعى إنى اطلب ودك

كنت فاكرنى فـ بعدك أاسى

ولا فـ ظلمك ليا انا ناسى

إوعى فاكرنى ف يوم راح اسامحك

حتى إن كان على خدك دمعك


ياما أسيت من ظلمك ليا ... وقلت أتحمل أسوة قلبك

صبرت كتير على غدرك بيا ... يمكن تصفى فـ يوم وأعاتبك

ليه الوقت عايز ترجعلى

بعد ما دوقت مرارة الويل

قلبى فـ حضنك وبتخدعنى

واشوف فـ خيانتك ألف دليل


حبى انا ليك مليان حنيه ... وكنت أتمنى أبقى فـ قربك

وحبك ليا عذاب وأسيه ... وتتمنالى إن ابعد عنك

إوعى فاكرنى ألف وادور

وارجع تانى أطلب ودك

دا انت خلاص بقيت مغرور

ولا يلزمنى إنى أكون جمبك


ليه يا حبيبى بتإسى عليا ... بعد ما كنت عايزنى أحبك

إنسى خلاص قلبك مش ليا ... مش من طبعى إنى اطلب ودك

==========

مع تحياتى
محمود السخيلى
s@meh_415
02/11/2010

إيه غير قلبك نحيتى


إيه غير قلبك نحيتى

دا الفرح فارق بسمتى

وتاه الطريق من سكتى

وعايش وحيد فى دنيتى

دنا قلبى لسه بيعشقك


قلبى كان يعاتبنى عليكى

لما الدمعه بتملا عنيكى

وكنت فـ حذنى أحن إليكى

أنا قلبى وروحى ملك إديكى

عمرى ما أفكر أخدعك


لما بتزعلى أجرى أصالحك

وازعل لما بيزيد جرحك

ببقى سعيد لما بشوف فرحك

كنتى بتأسى وكنت بسامحك

وبتترجينى الوقت ارجعلك


ليه عايزانى فـ حبك أدوب

ياما دوبتى ياقاسيه قلوب

بتشتكى منى وانا المغلوب

والله خلاص من حبك اتوب

مهما بكيتى ومهما ناديتى

مش هسمعك

=======

مع تحياتى
محمود السخيلى
s@meh_415
29/10/2010