مهرجان الحشيش ضربوه فى السوق

الحشيش ضربوه فـ السوق

ما تصحى ياعم وفوق

معمول طافيه ولبانه

معجون برشام ونشوق

الحكومه ماهيش سيبانا

ورانا فـ كل مخانه

مش عايزه الشعب يروق

ودماغنا بقت خربانه

والغرزه كمان خربوها

والماشه كمان صادروها

والجوزه كسروهالنا

وحجرين تعميره خدوها

مالها الحكومه ومالنا

سيبونا ياخلق فـ حالنا

محناش ناقصين غليان

ناهبين فلوسنا ومالنا

مش لاقى انا حد كبير

فـ الدوله رئيس ووزير

أشكيله ياناس من همى

هانروح ميدان التحرير

وهنعمل ثوره كبيره

علشان سرقو التعميره

ولا فيش بانجو وحشيش

ولا تمن حشيش تصبيره

منكوم لله ياحكومه

شايفين الناس مظلومه

نازلين سرقه وتهليب

وحقوقنا كمان مهضومه

لا شغله ولا شغلانه

راح تعملو إيه ويانا

ما ينفعش معاكو الزوق

وحالتنا بقت تعبانه





واسترها يارب معانا


دى بلدنا فـ إيدنا أمانه


يانعيش فيها أحرار


يانموت فيها بكرامه

=============

محمود السخيلى

17/4/2012

نفسى حجات ألاقيها تتغير

نفسى ياعالم أبقى رئيس

مش راح اخلى ف يوم تعيس

وافتح بابى للغلابه

والديابه ما راح تعيش

نفسى مره اكون رئيس.

.وللا ظابط ف البوليس

مش هاتلقى ف يوم حرامى .

.او مراشى او وليس

نفسى ف يوم اكون عريس.

. والقى ظابط ف البوليس

يجى يدينى التحيه.

. ويخلى كل الناس تهيص

نفسى امشى ف الشوارع

والقى الناس ماليه الجوامع

والاذان من بيتى سامع

ويسمع كل الجيران

نفسى مره اكل رغيف

مش ملوث يكون نضيف

واللى عامله ضميره صاحى

مش حرامى لكن عفيف

نفسى املك يوم طاحونه-

او ف يوم أورث طابونه

مش هخلى عندى زحمه

ولا حد يخالف الطابور

وكل واحد عارفله دور

والرغيف ياخده بكرامه

واللى مش عاجبه يغور

نفسى يوم امسك حرامى

لجل افش غللى فيه

سارق قوتى وقوت عيالى

ما يكفينى قطعة ايديه

نفسى مره اشوف برامج

مش تفاهه ونص خارج

والمذيع مهوش منافق

لجل حفنه من الفلوس

نفسى مره اسمع اغانى

م الازاعه مش حد تانى

كل يوم وجعين دماغنا

مطربين اخر زمان

ومكوجيه وعربجيه

لازم لهم نمسك لجام

نفسى اروح لشغلى بدرى

والقى كل الناس هناك

كله قاعد ع المكاتب

م المدير حتى الغفير

وملتقيش انسان مزوغ

وان كان حتى ابن الوزير

نفسى يوم اروح عياده

او مصحه ومركز ولاده

والقى الكل قاعد وجاهز

من موظف وطبيب وداده

لاستقبال كل الحالات

من اصابه واسعافات

نفسى يوم كل المدارس

والمعلم واللى دارس

والفصول مليانه طلبه

م العنين يارب حارس

نفسى ف مره اكون انسان

وله كيانه ف كل مكان

وبلدنا حفظاله كرامته

حتى ان كان فقير غلبان

نفسى ف مره مارتى تسيبنى

اسهر بره مع الخلان

نفسى انام من غير ما تعكنن

ومتسمعش علينا جيران

نفسى

ونفسى

ونفسى

ونفسى

----------

مع تحيات

محود السخيلى

1/6/2008

بلد البـــــــــــــــــــــاله

بلد الباله

خيرها على الناس والرجاله

اكل ومأوى..ولبس ومتوى

تسلم الايد الشغاله

بلد الباله

عمر ما كانت عـ الناس عاله

فاتحه ايديها..ليه تعاديها

ضليله فـ عز الأياله

بلد الباله

كل ما فيها وناسها اصاله

لقمه تكفى.. وحضن يدفى

وهم بلدنا كمان شياله

بلد الباله

يعالم اصحو وفوقو وشوفو

بتظلمو مين

لو بتفكر صح هتعرف

ان الفتنه دى جايه منين

يبقى فريق فايز بتلاته

ازاى يغضب عـ التانيين

ناس مدسوسه ونازله الملعب

تعمل فتنه بين الفريقين

شوفتو ازاى راح تظلمو ناس

تتمنى تشيلكم فـ العين

ياللا بينا نشبك أيدنا

وندافع عن حق ولادنا

دى بلدنا وليها حق علينا

نفديها بالروح والعين

===============

مع تحياتى

محمود السخيلى

7/2/2012