قائمة المدونات الإلكترونية

الثلاثاء، فبراير 15، 2011

كلمة حق بقولها بجد

كلمة حق بقولها بجد

مش راح اطاطى تانى لحد

وارفع راسى

واعلى كرامتى

مش راح نلطم تانى عـ الخد

وحانقول لأ

زى ما قالها إبنى و إبنك

رافض الظلم ولستعباد

رفع راية الاستعداد

قالها وعمره ما خاف من

حد ... قالها بجد

قالها فــ وش الحاكم الظالم

قالها وسمع كل العالم

عايز حق أبويا وجدى

مش هتنازل مهما تعدى

إنت وكل من حواليك

من طواغيت

على أجسادنا

خد أرواحنا

خللى كلابك ينهشو فينا

دهسوا علينا

مش هستسلم

وهنتكلم

كلمة حق

ونقول ..لأ

لأ للظلم ...لأ للقهر

لأ للسرقه ... ولأ للنهب

ولو هتخلى دمنا نهر

مش هنطاطى

لحاكم واطى

فــ حكمه متبت

طول الدهر

=======

محمود السخيلى

11 /2/2011