قائمة المدونات الإلكترونية

السبت، فبراير 15، 2014

شاعر على قدى

ياشعراء مصر
حرام عليكم
أبوس إيديكم
سيبولى حاجه
ياناس اكتبها
لا فكر رايق
 ولا عقل فايق
ياناس سيبولى
حبة دقايق
أكتب وامخمخ
منيش مدروخ
فى الشعر تايه
يوماتى أترخ
كلام وارصرص
أكتب وانصص
واهو كله ماشى
ياعم حصحص
إياك تفكر
خد من دا واكتر
دا كلام مزوق
مرصوص مسطر
واهو كله هايص
فى كلام هاجايص
------------
محمود السخيلى
13/8/2013
مرسلة بواسطة في

الخميس، فبراير 13، 2014

فداكى روحى وعمرى ياطاهره

والله ماخلى إيد تقربلك

طول منا إيدى فـ إيدك الطاهره

مش راح أخلى جبان يإزيكى

أو يلمس من راسك شعره

إنتى البركه أتبارك بيكى

فداكى روحى وعمرى ياطاهره
----------------------
محمود السخيلى
24/1/2014

 
مرسلة بواسطة في
الاشتراك في: الرسائل (Atom)