السمكــــه والصيـــــاد

أنا صياد..

وغاوى الصيد من صغرى

ومن بدرى..

أقوم أجرى على رزقى

وأدعى المولى يفرجها

ما يغلجها

واحمل مجدافى على كتافى

 وحدافى

وعلى فلوكتى

اقول يارب سيرها

واسترها

وفــ عرض البحر

اتمايلمع الموجه

وسنارتى فى طرف الغابه

معووجه

بتغمزلى من الحداف

أتارى السمكه مشبوكه

فى سنارتى

لا منها الطعم

وكلاها

ولا السناره

سيباها

ماهى خدعه بنكدب بيها

على السمكه

سناره اجيبها واطعمها

تقوم شابكه

ونبدأ مع بعض لعبتنا

اشد الخيط ترخيلى

وتجارينى كأنى عبيط

وارخيلها

تلف تلف وبديلها

تقوم لطشانى بالميه
من حواليا
وتقوم جاريه
وتغطس تغطس من تانى
وتشد الخيط
وانا ابصلها مفقوع
مـ الغيظ
ومن غيظى اقص الخيط
وأشيل حدافى على كتافى
واعود عـ البيت

=============

كلمات

محمود السخيلى

2/4/2014