قائمة المدونات الإلكترونية

الثلاثاء، سبتمبر 30، 2014

الرد على قصيدة (( غيابه طال )) للشاعره Nagah Halim

Nagah Halim

29 /9 /2014
غيابه طال :-
 -------------
و عشان باحبه يغيب علي ؟

ما يقولش كلمة حتي لعينية ؟!

اه من عذابه

ياطول غيابه

وحشني و الله

مش عارفة ماله

ايه اللي صابه

يفوتني ليه و يروح

و يسيب قلبي مجروح

يقاسي من ظلمه لي 

طول غيابك كمان

اصلك مالكش امان

قلبي مخاصمك يا مان

دا حبي اللي هان

يمكن بتلعب علي

و الا بتتسلي بي

ارحم .. ارحم شوية 

يسيبني و الا اسيبه

ما بقتش تفرق كتير

اللي يفارق حبيبه

بكره الحنين يجيبه

ما حدش في الدنيا ديه

بياخد غير نصيبه

زعلانة منك

قلبي اللي حبك

هوا اللي سامحك

انا مش هاصالحك

الا اما ترجع

و تبوس ايدية
 =======
 =======

  1 / 10 /2014
 ------------
أجى وأتاطى وأبوس إيديكى
 
وحقك عليا يا ست الكل
 
غيابى عنك ماهوش بإيدى
 
دا غصب عنى يا غصن الفل
 
ما يرضينى زعلك مسيرى ارجعلك
 
وأطيب خاطرك واشوف فـ الضحكه
 
عيون بتسر
 
صبرك عليا يانور عنيا
 
بكرا اللى غايب راحل وسايب
 
قلبو اللى فاضل ويا الحبايب
 
مشتاق اليكى فـ الغربه دايب
 
أهون عليكى مانيش ناسيكى
 
وطول الغربه بفكر فيكى
 
وحشانى والله والبسمه طله
 
ياختى اسمالله من نور عنيكى
 
هاجى واصالحك واراضى خاطرك
 
دا مش بخاطرك دا غصب عنك
 
قلبى وقلبك لتنين حبايب
 
إيه ذنبهم لو كنت غايب
 
ياسيدى حن سيبانى أرن
 
وقلبى اللى دايب عمال يــإن
 
خلاص مسامح أجى وأصالح
 
وللا انت عامل مطنش وسامع
 ================

 1 / 10 /2014




السبت، سبتمبر 27، 2014

من مساجلاتى على الفيس بوك مع الشاعره ((أمل عمر))



الشاعره / أمل عمر

15/9/2014
-------------------
والله وكان زمان

لما كنت تمسح الاعتاب

وتقول نظره لله

نقول يحنن

تقول جبر الخواطر علي الله

ولما رضنا اتبترت علينا

روحت ولا رجعت لينا

علي القهوه 

عينيك زيغه

علي اللي رايحه وجايه

وعامل فايس

وانت في البيت فطيس

اكل ونوم

وكمان مفيش صوت

الله يرحمه

سي السيد

ده كان زمان

لما امنيه تقول حاضر

وطيب كمان

تاكل وتنام

وانت مع زنوبه وفتاكات

رايح تصلح دايه وديه

وتكلمهم بحنان

اهل بيتك اولي تخد فيهم ثواب
================
===============
محمود السخيلى

16/9/2014
-------------------
كنتى أمينه وكنت السيد

كنتى القلب الطيب ليا

كان فى الضيقه تحنى عليا

كنتى تملى بتسئلى فيا

كنت اما ازعل تسئلى روحك

ايه زعل سى سيد منى

لكن الوقت الحال اتغير

بعد ما كنت اتمنى رضاكى

وافضل طول الوقت معاكى

وابقى سعيد فـ البيت وياكى

كرهت العيشه وكرهت البيت

واتمنيت العيشه بعيد

مانتى خلاص دبحتى القطه

وصبحت عيشتى معاكى أونطه

طهقت طفشت وبصيت بره

وعيشتى معاكى صبحت مره

واتلميت على الاتنين

زنوبه ومعاها فتكات

نسونى الأيام السوده

دى تدلعنى تقولى يا حوده

بضحكه وبسمه وشوش مفروده

مش عكننه وزعيق عـ الصبح

وصريخ ولطم دا غير الردح

كفياكى كدا الله لا يسيئك

وبدعى المولى.. يفك ضيئك
=================





الأربعاء، سبتمبر 10، 2014

من أجمل مساجلاتى على موقع بورسعيد أون لاين فى عام 2010// الجزء الثالث

23 سبتمبر 2010, 20:28
 
 صورة العضو الشخصية


طبخة وشايطة؟؟؟؟؟

يا نهــار أســـود..

ماهى طلبــاتكـ مابتخلصـش!

طالــع نــازل ..

بس أوامــر مابتـرحمــش!

صون النعمــة واحمــد ربــك...

بكــرا تــزول.. ماتتبطــرش!

ام البــودرة والآحمــر فوقهــا

حلــوة فى عينــكــ بس ليــوم..

وام عيالــكـ صاينــة وشايلــة

دايما عنكـ... تـل همــوم

عاجباكـ يــلا روح اتفــرج

لابســه بيكينــى ونازلــة تعــوم!

هى دى حــوا الى بتتمنــى

شــوفتوا يا نــاس....

ياعيــب الشــوم!
 =================

مشاركة 24 سبتمبر 2010, 22:05
 
ست البيت لو كانت شاطره

عمرها يوم ما تزعل جوزها

طول الليل فتحالى محاضره

وعـ الصبحيه لويالى بوزها

تفضل ساعه واتنين تتمكيج

لجل ما تحلا فـ عيون غيرى

وافضل اناغش فيها واتمحلس

قبل ما بومه تخطف طيرى

وتسمعها كلمه جميله

وتمشى معاها وتنكر خيرى

أه لو كنت بكلم واحده

كنتى عليا ياحوا تغيرى

وانتى ياخايبه ليه عن بيتك

دايما غايبه

وسايبه الراجل ويا جارتكم

أم بكينى جاتك نايبه

أم بكينى ياحوا دى جارتك

توأم روحك بصه لغيرى

مش لو كنتى بنفس الصوره

ما كونتش سيبتك

ولا اتلميت على أم بكينى

ودا من خيبتك

واحده خادتنى لها ولمتنى

دا كتر خيرها

هو الراجل عايز إيه غير

واحده تلمه

شايفه مزاجه وراحة باله

وتشاركه فـ همه

مش أرشانه لسانها طويل

وكارهه عيشتها

وكل يومين عملالى خناقه

ويا جارتها

شوفتى يا فالحه كتر عمايلك

وادى أخرتها

==============

التوقيع
( واحد مراته قاعده جمبه وهو بيكتب)
:؛: :؛: :؛:
أى والله
 ------------

من أجمل مساجلاتى على موقع بورسعيد أون لاين فى عام 2010 // الجزء الثانى

مشاركة 22 سبتمبر 2010, 21:31
 صورة العضو الشخصية
-----------
شاكـى وباكــى

رايح جاى وكتير الشكــوى

تتمــرد وتلــف وتـرجع

ما تــلاقى غير أحضانــى مــأوى

ادخل مــرة عليــا بضحكــة

شجر الحب مابينا هيقــوى

داخل خارج ساكت شارد

مالــكـ شايــل هــم تقيــل

نـزوة وعدِت؟؟؟ قول اتكلــم

اتعــودت عليــك بالشكــوى

أزعل حبة.. تيجى تصالح ..

ارجع اسامــح....اقولكـ نــزوة

قلبى الطيــب كــره الطيبة

وقرر يبقى فى بُعــدك أقوى

مهما بتعمل كنت بسامـح

دلوقتى اتعلمت القســوة

بس كفايــة.... ماتتكلــم

روح اتعلــم....

ما تضعف ادام النظــرة

قوى ايمانكـ .. واغضض بصــركـ

صون بيتكـ دور ع التقــوى!!

روح شوف حالك جوا مرايا

ولا أقولكــ....

انت بحالك انت الآدرى



فين التشجيع؟؟

فين جيش حواء الى هنا؟؟؟؟؟؟؟؟؟؟؟؟
 ====================

مشاركة 23 سبتمبر 2010, 16:07
 
محمود السخيلى

والله بعينك عمرى ما عود

طول مالبوز مترين ممدود

فاكره عمايلك جوا البيت

يوم ما عملتى الطبخه الشايطه

شربتى يومها إتنين كيلوزيت

واتغدينا بطبق السلطه

وان قولتلها دا والله حرام

تلقى البوز شبرين قدام

وافضل طول اليوم متعكنن

وكله بسبب الست مدام

عماله ترغى ويا جارتها

دش ورغى وكتر كلام

وياريت كله فـ حاجه تفيدها

كفايه فضايح انا راح انام

ولما تعوز إرشين تتمكيج

تسمع منها احلا كلام

وتلقى الضحكه ماليه عنيها

وتفضل تحكى معاك وتسبل

وتفتكر انك غالى عليها

وانا بغباوتى وقلة عقلى

كل فلوسى بقو فـ إديها

ماهو معروف إنها مكاره

بضحكه وغمزه صبحت ليها

عمرى فـ يوم ما انام واتطمن

إلا وعينى مفتحه ليها

دول نسوان مالهمش أمان

طول ما الغل مالى قلوبهم

والراجل هو الغلبان

بره البيت بيكافح قوتهم

كل بلاوى البيت فوق راسه

والنسوان والله ما عاجبهم

================
 

من أجمل مساجلاتى على موقع بورسعيد أون لاين فى عام 2010//مساجله رقم 1


مساجله شعريه بين الرجاله والجنس الناعم بالمنتدى
=====================

  22 سبتمبر 2010, 14:05
ام زيزو

-------------
سياف وف وسط ميدان


ورهينة ببتمنى رأفة سجان!!


مالكــ عايش كدا فى الدور؟؟

غيرتكـ منى غيرة علنى وبالمجان


إعلن انكـ عاشق قلبى

وانا هدفع ثمن الاعلان


بتموت فيا وواضح جداً

حبى فى قلبكـ بالآطنان


لو أبعد عنكـ ولا ازعل

بتقاسى مرارة الحرمان


تنكر إنكـ من غيرى تايه

لا ملامح ليك ولا عنوان؟


كنت أمينة يا سى السيد

وبوجودى عايش سلطان


شكـ وظلمـ وياما قاسيت

وأتحمل يقولولى شيطان


أقول دا ملاكى وفارس حلمى

هو حياتى وبر امان


ياما سامحتكـ ودا من خيبتى

لكن انتـ .. بتهوى النسيان


إنت بتنسى نزوات قللبكــ

ترجع تبكى وتوقل نادمــ


وانت ما تملكـ إلا لسـان!!


نزوات خايبة وحقد وغيرة

وكلام معلول الآوزان!!


بتحمل ظلمكـ وخيانتكــ

ووجودكـ مصدر أحزان


لو تتحدى حوا يا ادمــ

نهديلكــ لقب الخســران!!!


سورى أ/ محمود سمعت تحدى مقدرتش امسك قلمى
============================

مشاركة 22 سبتمبر 2010, 17:12
محمود السخيلى

----------------------

  مالكم كدا نافشين لنا ريشكم

مش جايبنها معانا البر

إوعى تفكرى إنتى وغيرك

إن كلامكم لينا هايضر

دا نتى يادوبك من كام كلمه

تلقى الدمعه نازله تشر

كلمه بقولها وحلقه فـ ودنك

مش هتشوفى يوم بيسر

طول منا شايف بوزك ملوى

مش هاتدوقى غير المر

عمرى ما أمن ليكى ياحوا

بتتلونى زى الحربايه

نفسى فـ يوم لمنافسك أطبق

وتبرقى زى الحدايه

إوعى تفكرى هيمان بيكى

وللا انا فيكى ـ يوم راح أفكر

دانتى يادوبك عندى فـ بيتى

طبخ وتنظيف لأ مش أكتر

ياللا ياشطره لمى عزالك

مع كراكيبك لـ حتتبعتر

وانا مـ اليوم دا ويا صحابى

جوه مخانه هسهر واسكر

وبعد رجوعى لبيتى إن شوفتك

معرفشى إيه إللى ها يحصل
====================
قريبا سوف اكتب بقيه المساجله

الأحد، سبتمبر 07، 2014

الرد على كلمات ( حنين وأنين) للشاعره/ Nagah Halim

حنين و انين :-
--------------
جاني خبر مش هوا
قالوا مات م الحنين
شهقت انا لجوة
ما عرفتش اعزي مين
ابكيه و الا ابكي نفسي
م انا ميتة من سنين
هوا الحنين موته
و انا موتني الانين .
كلماتي / نجاة عبد الحليم
================
    • محمود السخيلى
      قريـت النعـــــــى عيـــــــانى
      ومعرفتش أعـــزى فـ ميـــــن
      أعزى اللى مات من سنيـــــن
      وللا اللى مــات من الحنيــــن
      فضلت ابكـــى على حالــــــى
      من اللى شوفتو فـ الاتنيـــــــن
      وأعــــــزى فيكــــــــــــــــــم
      وأنــا بس يعزينــــــى ميـــــن
    ================
    7/9/2014 


الأحد، أغسطس 31، 2014

رد على قصيدة ( مغرور ولكن) للشاعره مرفت حموده




كتبت هذه الكلمات للرد على قصيده (( مغرور.. ولكن!!!! )) للشاعره القديره الاستاذه/مرفت حموده


=================


مغرور.. ولكن!!!!
............

مش قادر ترضى غرورك
وتقول طول عمرى أنا جنبك
مش قادر ترمى الهمسة
وتقول لى ده نبضى فى قلبك
مش قادر لما أقولك
أنا عمرى ماكنت أهواك
تجرى وتشيل الرهبة
وتقول لى أنا كلى معاك
آه أنا خايفة انى أغامر
لكن جوايا الرغبة
أقتل جوايا الخوف
وأدخل جواك وأشوف
الحب أزاى بيعيش
وبيكبر ولا ماليش
أنى أتدّخل فى حياتك
ابعد وبلاش ماتجيش
دى الغربة فى قلبى كلام
رافض يطلع للنور
عاشق صمته لا بينام
ولا حتى ف يوم حيغور
وأهى عيشة وبس خلاص
راح أعيشها وباخلاص
أنا أصلى عشقت الغربة
وعشقت بعاد الناس
==========
==========
محمود السخيلى
(( أنــا مش مغــــــرور ))
==========
انــا عمـــرى مــايــوم اتغـــــر
ولا افـكـــر أأســـى عليكـــى
انتـــى النسمه البقيـــــالى
دنــا عمــرى ملك ايديكــــى
حتى اسألى عنى عنيكى
راح تفتــن ع اللـى قلبــــى
وتقـــولـك عنــــى كـــــــلام
كنــت بداريـــــه واخبــــــــى
فـ الغربــــه أنا شـوفـــت ألام
قلــــت اتحملهــــا لوحــــدى
ولا تشيلى الهم فـ بعدى
لكن انتى سبقتــــى الوقت
ونسيتــــى خلاص الوعـــــد
وعشقتـــى بعـــاد الـنـــاس
لو كونتى صبرتـــى شويـــه
كونتـــى شوفتــــى الحنيـه
كلهـــــا رقــــــه وأحســــاس
لكـن إتنـى نسيتى خــلاص
فضلتى عليا الغربه
وعشقتى بعاد الناس
ونا عايش مع أحذانى
أتمنى رجوعك تانى
لكن انتى أسيتى خلاص
=========
محمود السخيلى
6/3/2014