بحبـــــــــــــ يامصرـــــــــــــــــك
----------------------
بحيك يامصروبيقولو بحبك
ايه دليل حبى ليكى
لما اجوع واشبع ولادى
وللا اهتف واقول ونادى
بحبك يامصر
ابقى عبيط ويضحك عليكى
لما انام تحت الحيطان
وللا اخبط ع البيبان
يمكن حد يحس بيا
بلقمه بايته
وللا هدمه قديمه دايبه
وعايزنى اقول بحبك يا مصر
يبقى اكيد بضحك عليكى
كل شيىء حرمانى منه
من ضنايا وكتير فى سنه
حفه ضايع مش لأنه
ضعيف وساكت
لأ دا كارهك مش لذاتك
لا دا كارهك م اللى فيكى
ومهما يجرى مش ناسيكى
وطالعه منى غصب عنى
بحبك يامصر
فيكى ايه احبك عشانه
احبك لنيلك
وللا سايح خايف يجيلك
وللا بهدلة ولادى
اللى سافر
واللى بيفكر يهاجر
واللى نفسه فى يوم يهرب
بس مش قادر يجرب
وتقولولى بحبك يا مصر
يابلد وماشيه بالمقلوب
وكل ما فيكى متلخبط
ابن الاصول علطول مغلوب
وابن الموكوسه متظبط
فاضل فى عقلى شويه يادوب
وعايش فيكى متشعبط
وبحبك يا مصر
=============
محمود السخيلى
الاحد 17/12/2017
----------------------
+of+%D9%84%D8%A7%D8%AA%D9%86%D8%B3+%D8%B0%D9%83%D8%B1+%D8%A7%D9%84%D9%84%D9%87.jpg)