رد على قصيدة ( مغرور ولكن) للشاعره مرفت حموده

محمود السخيلى

March 11 · Edited

كتبت هذه الكلمات للرد على قصيده (( مغرور.. ولكن!!!! )) للشاعره القديره الاستاذه/مرفت حموده

=================

مغرور.. ولكن!!!!

............

مش قادر ترضى غرورك

وتقول طول عمرى أنا جنبك

مش قادر ترمى الهمسة

وتقول لى ده نبضى فى قلبك

مش قادر لما أقولك

أنا عمرى ماكنت أهواك

تجرى وتشيل الرهبة

وتقول لى أنا كلى معاك

آه أنا خايفة انى أغامر

لكن جوايا الرغبة

أقتل جوايا الخوف

وأدخل جواك وأشوف

الحب أزاى بيعيش

وبيكبر ولا ماليش

أنى أتدّخل فى حياتك

ابعد وبلاش ماتجيش

دى الغربة فى قلبى كلام

رافض يطلع للنور

عاشق صمته لا بينام

ولا حتى ف يوم حيغور

وأهى عيشة وبس خلاص

راح أعيشها وباخلاص

أنا أصلى عشقت الغربة

وعشقت بعاد الناس

==========

==========

محمود السخيلى

(( أنــا مش مغــــــرور ))

==========

انــا عمـــرى مــايــوم اتغـــــر

ولا افـكـــر أأســـى عليكـــى

انتـــى النسمه البقيـــــالى

دنــا عمــرى ملك ايديكــــى

حتى اسألى عنى عنيكى

راح تفتــن ع اللـى قلبــــى

وتقـــولـك عنــــى كـــــــلام

كنــت بداريـــــه واخبــــــــى

فـ الغربــــه أنا شـوفـــت ألام

قلــــت اتحملهــــا لوحــــدى

ولا تشيلى الهم فـ بعدى

لكن انتى سبقتــــى الوقت

ونسيتــــى خلاص الوعـــــد

وعشقتـــى بعـــاد الـنـــاس

لو كونتى صبرتـــى شويـــه

كونتـــى شوفتــــى الحنيـه

كلهـــــا رقــــــه وأحســــاس

لكـن إتنـى نسيتى خــلاص

فضلتى عليا الغربه

وعشقتى بعاد الناس

ونا عايش مع أحذانى

أتمنى رجوعك تانى

لكن انتى أسيتى خلاص

=========

محمود السخيلى

6/3/2014

بعض المساجلات مع الشاعره(( ولاء الدسوقى))

حمود السخيلى

August 20 · Edited

================
===============
بياع كلام للشاعره الرقيقه
ولاء الدسوقى
July 15
---------------
بياع كلام
هتبيع وانا هشترى
لكن بكام ؟!
بقلب ممكن تجرحه
لو صدقك
بقلب ممكن قد الدنيا
دى يعشقك !

كلمات /
ولاء الدسوقى
===========
===========
محمود السخيلى
20/8
-------------
لو معاكى ببيع كلام
كنت اتغنيت واشتريت
قلوب كتيره راح تنسعد
لكن انتى قلبك زى الحجر
كفرع ميت ورقه اصفر
دبلان ومنزوع م الشجر
ببيع كلام
لكن كلامى له معانى
مايفهموش غير صنف واحد م البشر
قلبه برىء حساس رقيق
مش قلب مصنوع م الحجر
يللا اشترى
وبكام راح تدفعى
مهو الكلام فى الوقت دا
اصبح رخيص مالوش تمن
خلص المزاد ولا عاد كلام
حتى الدموع ملهاش تمن
خلص الكلام
ولا عاد مزاد
فركش
شطبنا خلاص
==========
==========
الشاعره المتألقه
ولاء الدسوقى
April 9
---------------
قــول مــاتـت وسيبنــى
أحســـن مــا أعيـــش وتــعذبنـــى !!
قـــول كــل حــاجــه بينــا خـــلاص
وبــــلاش .. تــرجـــع وتـعاتبنـــى
وهقنــع نفســـى إنـــي أذيتـــك !
بـــلاش أقـــــول
إنــــك أذيتنــــى

كــلمـــات /
ولاء الـــدســـوقــــى
==================
محمود السخيلى
April 9 at 1:27pm
------------------
لا والله ماتحصل منى
ولا عمرى ف يوم أأسى عليكى
دا نتى روحى ونن الننى
قلبى وروحى دا ملك إيديكى
هنسى خلاص أساوتك لياِ
ياست الكل يا غاليا عليا
==================
=================
الشاعره ولاء الدسوقى
April 8
تعرف انى بنيتلك بيت ؟
ولما صحيت مالقيتهوش !!
سألت راح فين ..
قالولى
إنك انت ماتستهلوش !
كلمات /
اميره الرومانسيه
ولاء الدسوقى
=============
محمود السخيلى
April 8 at 4:08pm

أكيد كــان حلم ومـا فهمتـوش
وبيت كـان مبنى وكله ريتـوش
ولمــا صحيتـــى اتهـد البيـــت
لأن القـافيه اساسها فاشوش
=====================

 

 

بــــاعو الصحـــــــاب

2/3/2014

نقــــــــابى فاشــــــــل

النقـــــابى الفاشــــل
=============

شوفتو صاحبنا واللى حصله

بعد فضايحه فـ الانخابات

خد شلوط مـ اللى جه بعده

أصل صاحبنا صبح نفايات

كان متعنطظ فاكر نفسه

إنه أفندى من البهاوات

لم فلوسه وجاب موتوسيكل

مهو سرسجى محناش هانلومه

فطاره كافيار مع حزمة فجل

وجوه مخانه يكمل يومه

عمال يشرب فيها ويحشش

علشان ينسى كل همومه

وعامل فيها فنجرى ويبقشش

فاكر نفسه ملو هدومه

عدى يومين وتلاته وأكتر

وسنه واتنين مفقوع متكدر

وحجات ياما ماتيجى على باله 

قام من نومه شخيط فـ عياله

بص فـ لحظه من البلكونه

ملقاش قدامه الموتوسيكل 

بقى يتنطط زى العجل

عمال يدعك أوى فـ عيونه

لسه بيسدد فـ ديونه

ونصبو عليه ودا من إيه

فاكر نفسه إبن البيه

صاحب الشركه ووارث التركه

وكل يومين يعمل فيها عاركه

بقى منبوز من كل الناس

مافيش إحساس

هو الوقت فنيتو خلاص

صبح ينداس

تحت الجزمه ومالوش لزمه

بعد ما كان عامل فيها بيه

إبن الإيه..دور تلاقيه

دا لو لقيتوه.. تعالو قولولى

واسألو عنه عم مانولى

صاحب البار .. راجل كبار

كل يومين يديله إزازه

تقول بزازه

عمال يشرب فيها وبيرضع

عجل مبرطع

جوه اسطبل .. مدهول سطل

إدعو معانا ربنا يشفيه

من بلاويه

كتر خيره هايعمل إيه

خسر اصحابه والموتيسيكل

-------------------

محمود السخيلى
4/11/2011