عمرى ما شوفته ركعها فـ يوم
ولا بيزكى ولا بيصوم
فجأه لقيته بيصلى ورايا
فاكر الناس حواليه هاتحوم
أصل صاحبنا مرشح نفسه
والتلاقيح عماله بتسايسه
عماله تسحب منه فلوسه
بكرا هايتعقد من يأسه
كان متعشم إنه هاينجح
لكن عشمه جه على شونه
وفاكر نفسه إنه هايفلح
وفــ أخرتها خدله صابونه
وبعد ما بعزق كل فلوسه
عــ الدعايات والصور الفاخمه
وكل الناس عماله بتبوسه
بعد الهبر وأكل اللحمه
كام مليون وزعهم هو
وكام بلطجى بيحومو حواليه
وزع كل فلوسه عليهم
وفـ أخرتها ضحكو عليه
واحد صاحبى كان متعشم
إنه حايلهف كام ملطوش
راح وجايبله كروى كبيره
يجى متين... قول ميت صوت
بص لصاحبى كد بغروره
وقاله خلاص انا استكفيت
مش محتاج لا أصوات ولا غيره
وضمنت الكرسى وعديت
وفرزو الاصوات والزى منه
جت لصاحبنا سكته إكمنه
الشله الصايعه ضحكو عليه
ونهبو فلوسه وخلعوم منه
أصل صاحبنا فاكرها شطاره
إكمنه معروف فــ الحاره
حط فلوسه كلها فــ شيكاره
هوبه وطارت أه يا خساره
=============
مع تحياتى
محمود السخيلى
s@meh_415
1//12//2010