إمتى .. هانبدى !!!

يامراكب الشوق عدى وهدى

على بورسعيد خدى .. وودى

أبطال رايحين شهداء جايين

ماحناش عارفين إمتى هانرسى

على بر النار رايحين

للموت .. وللا نعدى

كنال من نار مالوش قرار

على تل أبيب نضرب نفدى

صغار أبرار هايعيشو أحرار

مدى الاجيال يحفظو عنى

أسرار بلاد ملهاش أمان

طول ما الاعداء قاعدين جمبى

جوه فلسطين .. وفـ تل أبيب

رايحين جايين قدام وشى

جبار محتار يخاف من نار

وفـ إيده سلاح يخاف يجرى

على فين هايروح هايعيش فـ بلاد

يعمل شحات .. يشتال مخله

يشحت فـ سلاح قباض لـ رواح

من امريكا لازم تدى

أخرتها إيه محناش عارفين

إمتى هانبدى

==========

10/10/1973

محمود السخيلى

sameh_415

مستحـــــــيل

مهما طال البعد عنك

مستحيل تنساك عيونى

ولو يطول النومعيونى

مستحيل تنام جفونى

ولو فـ يوم النوم جفانى

نبض قلبى بحبك صاحى

ولو فـ يوم الحب خاننى

ولو فـ يوم الشوق خاصمنى

تلقى قلبى جوه جمبى

زى جمر النار قايدنى

==========

15/12/1984

محمود السخيلى

sameh_415

إسبوع يفوت من غير ماشوفك

إسبوع يفوت من غير ماشوفك

دا كتير عليا

العمر كله فيه كام يوم

يانور عنيا

تبقى جمبى وجوه قلبى إيدك فـ إيدى

توحش عنيا

لو يوم يعدى من غير ما شوفك

يزيد جنونى

لو يوم يعدى من غير ما اشوفك

تسوء ظنونى

كل يوم امشى فـ طريق

كنا مره مشينا فيه

إنت فاكر يوم ما تقابلنا

اول مره قلت إيه

كنا اتعاهدنا

كنا اتواعدنا

وفلتلى ..انا فلبى وروحى

وحبى ليك

=====

18/12/1984

محمود السخيلى

sameh_415

زكرى الماضى

فين وإمتى ومين وليه

الحب يبدأ من جديد

كان زمان الحب يبعث

فـ القلوب نور جديد

والقلوب من يومهادابت

زى شمعة يوم تإيد

يوم فـ يوم الحب يكبر

يوم بيوم النار تزيد

يومها كان الفلب خالى

عمرى ما سهرت الليالى

دق بابى الحب مره

قلبى قاللى ليه تعيد

زكرى حلوه نهايه مره

ويرجع الماضى البعيد

ماضى عمره ما كانش زكرى

ماضى عمره ما كان سعيد

جه وقاللى إنسى بكرا

إنسى انى كنت ليك

إنت كنت أغلى كلمه فـ أحلى غنوه

رددها قلبى بيك

بكرا تلقى أحلى منى

وتنسى ايامى ولياليك

بعد أحلى عمر عشته

جاى تقوللى انسى حبك

حلم عمرى ياريت ماشوفته

ولا عشت لحظه فيه

فين كلامك.. فين وعودك

فين لمسة إيديك.. فين نظرة عنيك

أنساك..أنسى قلبى أنسى روحى

أنسى كل الزكرايات

زكرى حلوه ونهايه مره

ويرجع الماضى من جديد

ماضى عمره ماكانش زكرى

ماضى عمره ماكان سعيد

======

7/7/1984

محمود السخيلى

sameh_415

ماتقدريش تحبى غيرى

ما تقدريش تحبى غيرى

ما تقدريش

لو تعرفى من غيرك انتى

إزاى أعيش

ابقى عامل زى طفل محروم

من امه

وللا مجروح محتاج لحد

يشكيله همه

وإنتى إنتى زى ما إنتى

ما بتتغيريش

كلك أساوه كلك ضراوه

ما تتنسيش

لو كان مصيرى بكف إيدك

أنا هرفضه

وإن كان عذابى وسهادى ليكى

مش هقبله

تتكبرى وتتأمرى عليا ليه

من إمتى كنتى زمان كدا

همرك ما كنتى بالشكل دا

تعرفـى

لو جانى يوم وإحتجتى ليا

هارد ليكى

كل العذاب كل الازيه

دنا قلبى قايد

قلبى نار

مش هرحمك

إنتى إللى بادئه

وإنتى إللى عايزانى

أهجرك

لو كان بإيدى

شوقى وحنينى

لو كان بإيدى

حبى وأنينى

كنت قدرت أغيرك

لكن خلاص إخترتى إنتى

إنتى إللى عايزانى أخسرك

إنتى زعلانه منى ليه

إنتى عايزه منى إيه

ليه تحبى إنتى الخيانه

ليه تمللى بتظلمينى

هو يعنى كتير عليا

لما أقولك إرحمينى

ساعتهاتيجى وتترجينى

أرجعك

لكن خلاص خللى الفراق

خللى العذاب راح

ينفعك

===========

20/8/2005

محمود السخيلى

sameh_415

إزااااى

إزاى

إزاى يبقى انت يافاضل

للناس عمال بتفاضل

...وفيه ناس عماله بتعلا وتعلا

من غير لازمه قول

...إزاى

عمال بتفرق بينا

وتقول هما أحسن منا

كان إيه راح يفرق بينا وبينهم

قول إزاى

بلا كتر كلام ع الفاضى

لا بتعدل ولا بتراضى

وبتخلف وعدك لينا

كدا دايما قول

إزاى

إزاى توعد وتعشم

إظاهر كنت مبرشم

وإن فوقت بتخلف وعدك

لينا قول

إزاى

لو كنت صادق فى كلامك

وبترمى الخير قدامك

راح تلقانى خدامك

ليه معرفشى

قول إزاى

بتقول سبعه فى المييه

وكمان اربعين حنييه

والوقت تقول لأ لأ

تقولها قول

إزاى

عمال تصرف فى فلوسنا

والله إحنا فلسنا

وعمال تكتم فى نفسنا

إنت وغيرك

قول إزاى

ما خلاص فاض بينا يافاضل

قول باقى لينا إيه بقى فاضل

غير طفح الدم

وضغط وسكر

قول إزاى
 
بتقول دى العزبه بتاعتى
من امتى انا بوفى بوعدى
مين دا اللى هايمسك بعدى
عمرك ما تفرط فيها
قول ازاى

خيبتك جت خيبه أويه
مليا الدنيا مدويه
صوتى واردحى ياوليا
ومش سمعانا
قول ازاى

منك لله راح ندعى

أصلك إقطاعى ورجعى

لو كنت صحيح مش بدعى

توفى بوعدك

قول إزاى

======

sameh_415

19/6/2011