من كتر أساوتك
دايما تإسى
وأسى عليا
وانا بحنانى وطيبة قلبى
عمرى ما أنسى
أساوتك ليا
ليه ما تكونش معايا حنين
ليه بتهين القلب الطيب
بس رجوعى إليك مش هيين
إوعى تفكر قلبى قريب
بس انا برضك مش راح اسامحك
عمرى ما اصارحك واندم تانى
كان يوم فرحك قولت اعاتبك
وانسى انا جرحك ارجع تانى
شوفت إزاى انا قلبى يحبك
عمره مافكر يوم يلعب بك
زى ما كنت بتلعب بيا
كنت بتجرح كنت بداوى
كنت بتخدع فيا ياحاوى
لأ ياضنايا مش هأمنلك
بعد ما كنت فـ يوم أنا منك
جاى دالوقت عايز ترجعلى
وهاتسمعلى
إنسى خلاص انا مش هاسمعلك
ولا هاشفعلك
ولا راح أفكر يوم ارجعلك
=================
كلمات/ محمود السخيلى
5/11/2010