سهـــــــــــــره فى خمــــــــــــــــــاره

صاحبى عزمنى ف يوم على سهره

قلت اقبلها ومكسفهوش

قلت ف نفسى دا يمكن حفلة

كتب كتاب او سهره ف حوش

رحت انا لابس بدله شياكه

عند محل متعرفوهوش

جانى البيت ومعاه كان صاحبه

وقاللى كلام انا مفهتوش

دخلنا ف بار موجود ف عماره

تحت السلم ماعرفتوش

مكتوب على بابه خماره

وجمبه كلام انا ماقريتهوش

أصل دا صاحبى صاحب صاحبه

واللى معاه ما بيمنعهوش

صاحبى دا كان حاجز ترابيزه

وصاحب البار خد كام ملطوش

وقام ويانا بأحسن واجب

اصل صاحبنا بنك فلوس

وجاب المَزَّه وكمان مُزَّه

وشافها صاحبنا بقى مفروس

كان متعشم ان المُزَّه

دى لهطه قشطه جمال مهووس

طول القاعده صاحبنا اتعكنن

يشرب خمره ويملا كؤوس

وهات تريقه وكلام ع المُزَّه

وإيه الحظ دهو المنحوس

وفاكر إنه هايسهر سهره

وطول الليل قاعد موكوس

وبعد السهره انا خدت صاحبنا

أصله مِدَهْوِل كان مسطول

طول السكه يسب ويل عن

صاحب البار راجل مقفول

جايب مُزَّه إظاهر هابله

وكانت ضاربه قِدْرِه فول

قاعده تطبل كده وتهبل

سمعها صاحبنا جاله زهوول

ايه بس اللى جانيته ياربى

امشى ورا واحد مخبول

وعجبــــــــــــى
=====
مع تحياتى
محمود السخيلى
s@meh_415 
3/10/2008

وادى أخــــرة المخمخــــــه

نفسى فـ مره أشد معسل واشرب بانجو والف سيجاره

واسهر مره ويا صحابى جوه مخانه فـ ناصيه حاره

واشرب تمن حشيش وأمخمخ ونكمل سهره فـ خماره

تمن حشيش خلانى مدهول واسرح كدا ويا المساطيل

أما دا صاحب الغرزه دا عييل صحصح راسى بشاى مغشوش

شاى معمول على مية جوزه وحبة سكر سنترفوش

حتى المفرش عـ الطقطوقه كان مصنوع من حتة خيش

وبرميل ميه جمب الحيطه كان متغطى بكسرة شيش

والكوبايه منظرها يعكنن لسه غاسلها مـ البرميل

وفـ لحظه لقيت الجو مشبر قلت الداخنه دى جايه منين

قمت اتطقس كدا وأدور شوفت اتننين قاعدين دايخين

واحد ماسك الجوزه بيرصص عمال يعزم عـ القاعدين

والتانى عمال بيحشش كاتم نفسه ونفسه طويل

بعد شويه سمعت شتيمه وضرب بوانى شلاليط واقلام

جت عربيه وفيها كام مخبر وحاصرو الغرزه وكله تمام

قلت فـ نفسى وقعت يافالح وجوه القسم مش هتنام

مالى ومال الشله الفاسده دانا اول مره طلعت عويل

ركبنا البوكس وروحنا المركز شوفنا وشوش ماهيش مألوفه

شوفنا وشوش شكلها متلخبط ضرب مواس وايدين مكتوفه

شكلها كدا علطول متنرفز حتى لغاتهم مش معروفه

وهات تلطيش فـ وشوشنا ويضرب ويفتش حتى البناطيل

كنت مخبى فـ جيبى تعميره عدا المخبر ولا شافهاش

قلت فـ نفسى ربنا يستر حتى الظابط مالمحهاش

ولبست قضيه حكم تعاطى وييا صحابى انا روحت بلاش

دفعت كفاله وروحت لبيتى بعد ما دوقت مرارة الويل

وادى جزاه اللى ما يسمعشى كلمه ماما تقولها

===========

مع تحياتى

محمود السخيلى
s@meh_415 

15/12/2009

جــــــــــوزه وقــــــــــرش حشـــــــــــيش

جوزه وقرش حشيش

واتنين جنيه بقشيش

لصاحب القهوه

متشعلل ياعم ورص

حجرين وقرش ونص

خلينا نتهوى

فيه مخبرين قاعدين

محناش كمان ناقصين

تيجى كابسه على سهوى

روق كده ومخمخ

واكتم نفس وانفخ

واعدلنا العمه

خلى الجوزه تكركر

من ايد لايد تكتر

كتر من المساطيل

صوتها بيشجينى

طول عمرى وسنينى

اسمعها ف المواويل

زود كمان حجرين

فيه ناس كتير جايين

خلى الكلام يحلا

شد النفس جامد

لجل الحشيش خامد

خلى المزاج يعلا

وهات طبق مزه

وروق لنا الغرزه

وافتح لنا التسجيل

وسمعنا صوت سوما

لا الجوزه مكتومه

اغنيه بصوت جميل

ونغنى وياها

اغنيه ماحلاها

جوزه وقرش حشيش

والماشه وياهم

جمعوا سوا حجرين

وسهرنا شربناهم

جمعوا سوا حجرين

والمزه وياهم

وكان سعات السطل

خدنا الهطل وننام


وكان مزاجنا عسل


ساعة السطل ياسلام

وبعت ساعتى لسعد افندى


وما ابعش ليه


وكان منايا يكون معايا

مزه واتنين

سطلنى قرشك حشيش يغشك

وافوق لمين

اسحب وشعلل ف حشيشك

طلع نفس من نخاشيشك

تلقى الدماغ تعلا وتعلا

لحد ما ينتفوا ريشك
=============
مع تحياتى 
محمود السخيلى
s@meh_415
6/7/2009

نـفـســــــــــى

نفسى فَـ مره ابات متعشى
وانام متغطى ولو بلحاف

نفسى ياعالم اسد الجوعه
بطون موجوعه برغيف حاف

نفسى فـَ هدمه قديمه تسترنى
وفرده جزمه وجوز زحاف

ناس رايقين عماله تبعزق
فِـ فلوس ياما هنا وهناك

عماله تاكل لب وفزدق
وتسكع بيره وكاس كونياك

مش عارفين فيه رب بيرزق
ويوم العرض بيستناك

إنت ياويلك يـَ ظلام ليلك
ساعه القبر استنى ملاك

الاتنين هـَ يطلعو عينك
وجوه القبر استلقى قضاك

وإنت ياوالى ليه متعالى
ناسى ألاخره ويوم فـِ حساب

عمرى ما أنساك يوم عن بالى
دا كل صباح ملكين عـَ الباب

إوعى تفكر فيه شيىء غالى
دا عند الرب ما يسوى(ذباب)

فكر إن العمر دا بالى
وياما ضم القبر شباب

عمر ما كان الفقر دا عيب
ولا يمكن نستاء منه

ممكن تلقاه لحد قريب
ولا نستغنى فـ يوم عنه

إعطف مره ولو لغريب
ولا تسئلو يوم عن سنه

إعمل جميل وارميه البحر
هو انت إيه؟خسران حاجه!

عند الكريم هيزيد ارباح
فـ يوم الحساب راح تحتاجه

===========================

مع تحياتى
محمود السخيلى
s@meh_415

23/7/2009

اللــه يرحم نســـوان زمــــان

أيام زمان كانت الستات لابسه الياشمك

لو مره بصيت نحيتها بسرعه تشاكلك

والوقت كل الستات خارجه فارده ضفاير

وجوزها قاعد عـَ الأهوى يلعب شيش يك

أيام زمان تلقى الستات لبسه ملايه لف

لو حد زعلها بكلمه نفسها تتعف

والوقت ماشيه بتترقص شعرها طاير

وعنيها على شاب مروشن نفسها تتزف

أيام زمان العفش يادوب ز ير وحصيره

سرير وكنبه ومرتبه قطن وتصويره

والوقت تلاجه وبوتاجاز طقم ستاير

وعريس مريش فـِ البنك فلوسه كتيره

فاتحه وحنه وكتب كتاب بعدين دخله

خلخال وحلق واسورتين وكمان دبله

والوقت شبكه من الأماظ حلوه خطيره

وفـِ الأخر تطلع شعنونه وكمان هابله

حسره عليك كدا يابن الناس علطول غلبان

حتى فـ جوازتك مـِ الهابله تطلع خايبان

طلقها وارمى عليها يمين فضها سيره

مـَ حلاها عيشة العزوبيه إنت الكسبان

===========

مع تحياتى

s@meh_415

الذوجــــه المتسلطه(مره مراتى)

مره مراتى جت وقالتلى
قوم فسحنى بسرعه اوام
قلت ف نفسى والله  فرصه
اخلص منها وارجع انام
خدلك ساعه واتنين بتغير
والفستان مربوط بحزام
والجزمه عماله بتشكى
من رجليها مترين قدام
نازله تدب وهاريه السلم
وهاتك رغى وكتر كلام

اخرتها شاورت للتاكسى
سابتنى ورا وركبت قدام
السواق بصلها اتعكنن
طول السكه يقول ف كلام
مش فهماه00 بس انا فاهمه
واسمع منه واقول ياسلام
نفسى اقوله مره ف عمرى
وتسمعه منى الست مدام
كله شتيمه وتف ونف
وضرب بوانى شلاليت واقلام
دى قرفانى والله ف عيشتى
ومطلعه عينى سنين وايام

سيبنا التاكسى وروحنا الممشى
قلت اتفسح انا وياها
ماشى ورانا شويه صييع
وهات تأ ليس ع الست بتاعتى
ياواد ياتقيل00 ياتخين ياملظلظ
وانا مطنش ابص ف ساعتى
ماشيه معايا م الغيظ هتفرقع
م التئليس وكلام الصييع
راحت باصه أوام ف وشاشهم
سابو الممشى وهربو بسرعه
والله زعلت شويه جبناء
ضيعوا منى ماتش مصارعه

سبنا الممشى دخلنا المطعم
راحت طالبه بسرعه كوارع
غير الفته وطبق الشوربه
وفضلت تاكل وبتتصارع
خبط ورزع فوق الترابيزه
وهات تخبيط بماسوره الكارع
اتلموا علينا زباين المطعم
وكمان ناس كانت ف الشارع
قلت ياناس دا مافيش حاجه
دا طقم اسنان محشور ف الكارع

سبنا المطعم روحنا السينما
وجابت لب لبان وسودانى
وهات طرقعه ف لبان وتقزقز
وترمى القشر فى قفا قدامى
وهات تريقه ع الفيلم وتضحك
حتى الضحكه ما هيش عجبانى
وقبل الفيلم العربى ما يبدأ
سمعت صوت هيهد ودانى
راحت نايمه وهات ياشخير
واتلمو علينا الناس من تانى

سبنا السينما دخلنا جنينه
والناس قاعده كتير حوالينا
عماله تحكى وبتتشاكل
واتلمو الناس تانى علينا
قلت ياستى كفايه علينا
اللى عملتيه وفضحتينا
مفيش مره ف يوم ويعدى
الا وصوتك يعلا علينا
قلت ف نفسى والله انا حاسس
ان الفسحه دى غم علينا

هو انا يعنى دا كان قصدى
وانت بطبعك دا مخلينا
مساجين جوه حيطان مقفوله
وانت ف وادى ما حاسس بينا

كفايه كدا طولت عليكم
وادى حكايه الست بتاعتى
واسف جدا انا مش قاصدى
ذنبك ايه تسمع لحكايتى
دايما كده علطول جلبالى
ف اى مكان راح اكون وياها
ودى اول مره واخر مره
راح اتفسح تانى معاها
نصيحه اهى لوتسمع ليا
اوعى ف يوم تسمع لوليا
دى مجنونه وعقلها طاقق
ومعروف انها نكديه
لسه فيه تانى بقيت الحلقه
لو عايزينها راح اقولهالكم
بس ان شالله ما تزهقوا منى
وانا ف ثوانى راح اكتبهالكم
======
مع تحياتى
محمود السخيلى
s@meh_415
24/5/2008

كل الأَحِبـَـــــــــــه اتنيـــــــــــن اتنيـــــــــــن

مره ف يوم انا ماشى لوحدى


شوفت اتنين ماشيين ف الحاره


واحده ماسكه ف ايدها شنطه


فاكره انها لسه اماره



والتانى ماشى بيتعنطظ


مش عاجبه بيشرب ف سيجاره


والاتنين مع بعض بيحكو


ف كلام مش مفهوم ياخساره


وهات ياهزار مع ضحك ولعب


وغمز ولمز بخيط سناره


قلت اتمشى اناكده واتصنت


منا غاوى فهلوه وشطاره


طول منا ماشى اشوف ف الشارع


واد مع بنت تمللى بيحكو


نفسى ف مره اكلم واحده


متقوليش ودينى على بيتكو


ولا تطلب طلبات ع الفاضى


ولا تقولى قرفانى عيشتكو


اصل انا خايف مره اتهور


تانى مع بنت اخرتها اتعور


ممكن مره ف يوم تتصور


انا على بنت تملى بدور


مش لاقى واحده تفهمنى


ولا واحده عقلها متنور


مره غلطت وبمسك ايدها


ف ثوانى دمها اتفور


وراحت سايبه ايديا ومشيت


قلت فى ايه بس اللى اتغير


ولا اكمنى انا يعنى حنين


وانتى علينا كده بتتـأمر


كل ما أقولها كلمه جميله


دمها كده علطول يتفور


والله غلبت انا كده وياها


وف اخرتها انا باين اتشور


مهو شبكتها وقايمه بيتها


عند محامى مكتوب متصور


فاكره انها كده حكمانى


وناسيه انها يوم تضرر


لو فى حد كبير ينصحها


عمر ماكانت يوم بتفكر


انها مره فيوم راح تغضب


وتسيب بيتها لجوزها ويسهر


بره البيت مع واحده تقدر


ان الراجل قيمته ف بيته


واسمعى منى مثل قريته


ضل راجل ولا ضل حيطه



=======


مع تحياتى


s@meh_415

دلـــــــع البنــــــــــــــــــات

إتلم يا واد أحسن المك

مش خايف انى اقول لمك

ماشى ورايا وبتعاكس

داء البلا لما يسمك

طول الطريق عمال بتقول

كلام جميل وكلام معسول

لو إنت كدا زى ما بتقول

طيران عـَ البيت وابعتلى امك

كلام كتير انا مش عـَ يزاه

مش ناقصه رغى وقولة اّّّّّّّّه

إياك فاكرنى انا بتمناه

دا كلام كبير مش من سنك

عمال بتحلف وتواعد

قدام البيت علطول قاعد

جدعان كتير عايزه تساعد

مش خايف لـَ يكسرو عضمك

يابن الحلال ما تجيبها البر

ولا انت بشبابك تغتر

اياك تكون ناويلى على شر

بإشاره منى يسيح دمك

أنا ليا عزوه وبنت اصول

سدين الحاره عرض وطول

لو مش مصدقنى فـِ القول

يبقى انت إستغنيت عن عمرك

إسمع كلامى خليك شاطر

بلاش ملاوعه إوعـَ تخاطر

هات المأزون ومعاه دفاتر

أنا اللى هكون أخر صبرك

===================

مع تحياتى
s@meh_415

ملــــــوك الشـــــــقاوه

بص لنفسك إوعى تعاند

شوف إنت بتكلم مين

إإحنا ملوك فهلوه وشطاره

وكل الحاره اهم عارفين

المجدعه متأصله فينا

إما الجبن لناس تانيين

والفهلوه متفصله لينا

مش منظره ولا ناس مجانين

إسأل عنى ف شارع مييه

واللومنجيه انا واد مشهور

ليا علامه وبصمه كبيره

ف كل مكان داير مايدور

حاره ابو دنيا وشارع كسرى

تمللى معايا سيف وسطور

ودايما نحمى كمان حتتنا

أما الكيف ما نقربلوش

دايما نسمع من اجدادنا

ف كل مكان حكاوى كتير

فين سليمان المحمدى

وحسن السمره ونصر بدير

ناس كان ليها شنه ورنه

ناس لها بصمه وفعل الخير

واسمع حكى ابويا وجدى

عن ناس تانيه كانو وحوش

ناس لها اسم تهز الدنيا

مش فشخره ولا حلق حوش

إعقل كده وبلاش منظره

كدا لملم نفسك يللا وغ ور

إوعى تفكر تانى تبلطج

ف مكان كله شباب مغمور
============
مع تحياتى
محمود السخيلى
s@meh_415
31/8/2009