حقــك على راسى يا أختـــــاه

غصبن عن كل الطواغيت
-------------------------
ملحوظه:-

البيتين الاول والثانى للشاعره القديره ناديه الاسناوى.. فقد 

اعجبنى 

هذين البيتين من مطلع القصيده دون ان اكمل قراءة بقية القصيده.. 

وعلى اساسها اكملت قصيدتى.. أقدم اعتذارى للشاعره المبدعه 

ناديه الاسناوى

====================

مش هبكى على كتافك مره

ولا هصرخ ولا أقول سامحينى

..............

بعدما كنت فـ يوم انا حره

وأتمنى حضن يدفينى

والعن يوم ما خرجت فــ ثوره

وجندى مصرى إللى يعرينى

جندى اتنين وتلاته واكتر

ماسكين تلابيبى وساحلينى

فالحين بس علينا يتشطر

وللطواغيت قدمو قرابينى

راحت فين النخوه يامصرى

بعت كرامتك للطواغيت

بنتك واحتك بتعريها

لا هتترقى ولا هتزيد

بس شهامتك سقطت منك

فــ عيون أختك جوه البيت

عينى عليك يا جندى يا مصرى

لما تعرى أختك بإيديك

إنسى خلاص مش انت المصرى

يوم ما عبر سينا وعديت

انت زباله وللا حساله

هاتك عرض.. كمان عريت

حقك فوق راسى تانى ياأحتى

دنا جوايا نار بتئيد

راح ترجعلك تانى كرامتك

غصبن عن كل الطواغيت

------------------------

محمود السخيلى

20/12/2011

---------------

مرض الحبيب فزرته ... فمرضت من حزنى عليه