عــا شـــــق بـــورســــــــــــعيـد

أنابورسعيدى وعاشق البحر

وأحب العوم فـ العصريه

وأعوم عـ الموجه وانام فـ الرمله

وكرسى تحت الشمسيه

وأحب النزهه وراس البر

وصحبة قهوة السعديه

وأحب السهر واحب الليل

وأعشق كلام الصحبجيه

وأحب الزفه واحب الضمه

وأحب رقص البمبوطيه

وأحب الليل واحب الضلمه

ونور الفناره الفجريه

وأحب البيضه واحب السمره

وأعشق جمال البورسعيديه

وأحب المينا ونادى الصيد

وأحب ركوب المعديه

وأحب الحميدى وشارع كسرى

واتوه فـ ميدان المنشيه

وأحب الممشى وبورفؤاد

والتفريعه الشرقيه

واحب الفرما وجنينة سعد

واحب الحديقه الدوليه

واحشنى الجيره وحب العيله

واللمه حوالين الطبليه

وأحب الدهره واحب الجر

واحب صوت المراكبيه

وأحب المسله وحجر دليسيبس

واحب الاغى البساجريه

وأحب الملاهى وحارة العيد

واحب ركوب الدواريه

وأحب البكاش والحناطير

والفسحه ساعة العصريه

واحب التيموريه ومدرسة الفتح

وبورسعيد الثانويه

واحب المجمع والتوحيد

وصوت الاذان الفجريه

أنا بورسعيدى وبلدى اصيل

طبع الشقاوه والملاغيه

فيه حد زيى متهنى فـ دنيته

أنا البحر عشقى ودمى ميته

وموج البحر حسى وروحى نسمته
=================

مع تحياتى
محمود السخيلى
23/9/2009

s@meh_415

عـ الطبــليــــــــــــه

ع الطبليه انا هعزم نفسى

بس إنشالله ما تكرشونيش

وعلى الصحبه الحلوه بمسى

نفسى فـ أكله ما تكسفونيش

نفسى فـ طبخة حله محشى

أكلها لوحدى غير التحبيش

ويا اللمه الحلوه ناكلها

عـ الطبليه داير مايدور

ويا الصحبه الحلوه انا هقعد

والاعضاء المحترمين

والزوار ويانا هتسعد

ما حنا كلنا بنى أدمين

عـ الطبليه الكل هايقعد

يكتب يقرا ومش خايفين

يكتب كل كلام هيقوله

حتى ولو هنعدى بحور

عـ الطبليه اللمه الحلوه

راح نتعرف على بعضينا

نسمع لحن ونسمع غنوه

ونسمع للى يدور حوالينا

من اخبار ورياضه وحكمه

ومواهب راح تظهر فينا

كلمه ناسيها انا نفسى اقولها

عـ الطبليع نحط بخور

نمنع عين الحاسد منها

ونلف عليها داير مايدور

والف تحيه والف مباركه

لمؤسسها عادل ماندور

=========

مع اجمل وارق تحياتى للمه الحلوه اللى حوالين الطبليه

s@meh_415

كان ليا حبيب(طقطوقه)

كان ليا حبيب حبيته زمان

كان لما بيشوفنى يزقطط

كنت أمشى وراه

وارميله كلام

يسمع كلامى بيتعفرت

دا كلام معسول

ومن قلبى بقول

ليه لما انا ببعد

يتنطط

أتاريه بيحس

إللى بحسه

واسمع انينه أنا

من حسه

دا حبيبى ونور

قلبى وعينى

لو روحى ترضيه

عنه ما أعزه

‏_‏__________

مع تحياتى

s@meh_415

قلبى الحـــــــيران ( طـقـطـــــوقه )

كان قلبك ماله

زعلان من إيه

سايق فـ دلاله

دا شاغلنى عليه

من يوم ما قابلتك

وإنت ناسينى

وبنار الحب

إنت كاوينى

ما تقول فيه إيه

زعلان من إيه

لو كنت نسيتنى

أنا ما نسيتك

إنا مهما إن كان

برضو حبيبك

الكلمه الحلوه

بقولهالك

والبسمه الحلوه

شايلهالك

قلبى الحيران

مشتاق لعنيك

وهكون زعلان

لو يإسى عليك

متقول فيه إيه

زعلان من إيه

==============
مع تحياتى

s@meh_415

اللــه يرحم نســـوان زمــــان

أيام زمان كانت الستات لابسه الياشمك

لو مره بصيت نحيتها بسرعه تشاكلك

والوقت كل الستات خارجه فارده ضفاير

وجوزها قاعد عـَ الأهوى يلعب شيش يك

أيام زمان تلقى الستات لبسه ملايه لف

لو حد زعلها بكلمه نفسها تتعف

والوقت ماشيه بتترقص شعرها طاير

وعنيها على شاب مروشن نفسها تتزف

أيام زمان العفش يادوب ز ير وحصيره

سرير وكنبه ومرتبه قطن وتصويره

والوقت تلاجه وبوتاجاز طقم ستاير

وعريس مريش فـِ البنك فلوسه كتيره

فاتحه وحنه وكتب كتاب بعدين دخله

خلخال وحلق واسورتين وكمان دبله

والوقت شبكه من الأماظ حلوه خطيره

وفـِ الأخر تطلع شعنونه وكمان هابله

حسره عليك كدا يابن الناس علطول غلبان

حتى فـ جوازتك مـِ الهابله تطلع خايبان

طلقها وارمى عليها يمين فضها سيره

مـَ حلاها عيشة العزوبيه إنت الكسبان

===========
مع تحياتى

s@meh_415

عـــائله تجنــــــــن(زجل ساخر)

فى عندنا أبله تخينه

تاكل وتشرب فـِ طحينه

تطحن وتعمل فـِ عجينه

تعجن ولا تحط خميره

ولا ميه ولا ملح ولا دقيق

وعندنا أخ لها شقيق

أسناذ رياضى بدون تعليق

فلقه توم توئم لتنين

إتنين ما جابتهم وللاده

وواحد كمان عنده عياده

عياده ولا كل العيادات

عـَ الباب تمرجى من ابو زعبل

يضرب ويشخط فـِ العيان

فـِ إيده كرباج وعصايا

يضرب ولا يرحم تعبان

وهناك كمان أخ مهندس

عـَ الناصيه واقف بيألس

يسهر ويسكر ويهلس

وفـ أول الشهر يفلس

ويمد إيده لخلق الله

=========

مع تحياتى

s@meh_415

15/1/1986


من مؤلفاتى القديمه

مشروع التـــــوكتـــــوك (فى بورسعيد)

والله انا نفسى اشوف التوكتوك


مالى بلدنا ليل ونهـــــــــــــــــار


ولا تحتاج للتاكسى يعـــــــاندك


طول السـكـــــه والمشـــــــــوار


وان وقفت التــــــاكسى يقــــولك


رايح فـــين إيـــــــاك تختــــــــار


قولو إختــــــار انا ويا سيادتـــك


أنا ويـــــاك فيــن ما تودينــــــــى


دانتـــا الأســـــطى وانت الباشا

مين غيـــــرك هيطلع دينــــــى


مـــالو التوكتوك حلو مظـــــأطط


مش هيزاحـــم أسـطى فـ شــــارع


ولا ســـواق تـــاكسى يتـــــــنطط


ولا أوتوبيس يجـرى ويســـــارع


ولا عسكـــــرى مرور متعفــــرت


يقـدر يرفع إيـــــدو ويصــــــارع


اصل التـــــوكتوك حــلو مــأطــأط


وبيتــكلم هنـــــــــدى وصــــــينى


نفسى التــوكتوك يملا الشــــارع


ولأى مكـــان هــــو يوديــنــــــــى


ليـــه ما تخللــــى الغلبـــــان يرزق


وهو التــوكـــتوك وش مشـــــاكل


مش محتـــاج مقطـــــوره ولا زق


ولا محتـــــــاج واير أو شـــــــاكل


ممـكــــــن يدخـــــل أى مــــــــــدق


يقـف لســــت كبيــــره او راجــــل


نفسى فـتوكــتوك كــــدا على قــــدى


أقضى بقـيـــت عمــــرى وسنـــــينى


ولا ســـــــواق تــاكسى يزعـلــنـــى


وبالتوكتــــــوك راح اســـدد دينــــى


وعـجـبـــــــــــــــــــــــــــــــــــــى

============


مع تحيــــــــــــــــاتى


s@meh_415

أحـــــــــلى قصـــــــــه حـــــــــــــــب

زمان زمان وانا صغير


العب ع الشط ف رملته


ارسم عروسه على الرمله


تمسحها الموجه بميته


وف مره وانا برسم صوره


قابلتنى بنت اموره


صغيره كدا من سنى


قالتلى ارسم معاك وتعلمنى


ومن يومها واحنا بنتقابل


عـ الشط وبإيدها تمسكنى


واسمها يشبه اسمى


ارسم صورتها تعاكسنى


بالرمله وبميه البحر


ترشنى وتطلع تجرى


وتقول لو شاطر امسكنى


اجرى وراها وملحقهاش


كنا يوماتى بنتقابل


ساعه العصارى ومابننساش


ونغنى غنيوه جميله


لسه حافظها ومانسيتهاش
(يماما بيضه ومنين اجيبها


طارت يانينه عند صاحبها)

ومره وانا برسم عـ الشط


استنى البنوته مـ جيتشى


وعدى يوم واتنين حيران


قلقان عليها اوى وزعلان


معرفش ايه اللى مانعها


ولا حتى فين عنوان بيتها


وكل يوم امشى على البحر


افتكر ايامنا الحلوه


ايام تعدى سنين بتمر


الشعر شاب وتاه العمر


وف مره قاعد وحدانى


سمعت صوت كدا ف ودانى


بتغنى غنيوه جميله


بتقولها وتعيد من تانى
(يمامه بيضه ومنين اجيبها


طارت يانينه عند صاحبها)
بصيت لها م الفرحه بكيت


وقالتلى انا عمرى ما نسيت


ايام ما كنا صغيرين


ومسكت ايديها انا ومشيت


ع الشط ونجرى ف رملته


ونرش بعض بميته


ونرجع ايامنا الحلوه


ايام ما مكنا صغيرين


ونغنى مع بعض الغنوه

(يمامه بيضه ومنين اجيبها


طارت يانينه عند صاحبها


وخطفها البلبل وطار وياها


اصله يا نينه يعرف لغاها)
=============


مع تحياتى


s@meh_415

أجمـــــــــل واحـــــــــــلا عروســــــــــــــه

الحلوه دى مين


ودى جايه منين


ست الستات


سكر نبات


اسقوا الشربات


هيصوا ياولاد


لأحلى البنات


فين زغروده


دا الجمال خده


غصن بان قده


ايوا مين قده


حلو على قده


بعيونها سحراهم


وجمالها كيداهم


اخرتها وياهم


منوره الزفه


كتبوا الكتاب


وعلوا الجواب


اسقوا الشربات


زغروده يابنات


مبروك ياعريس


زين ما اخترت


اخترت الحلوه الاموره


ادب وجمال


ولا كان ع البال


هتفوز بالحلوه السنيوره


دى بنت اصول


حسب ونسب


دايما على طول


اخلاق وادب


افرح يا عريس


اتهنى وهيص


اهه جالك ونيس


اه مين قدك


مبروك عليك ياعريس

ياريتنى اكون زييك

اجيب منين ونيس

واعمل فرح زييك

لكن دى قسمتى

كان نفسى اكون زييك


=============

اهداء الى سنيوره المنتدى
الاخت /هوبى

=========

مع تحياتى

s@meh_415

لأ مـــــــــــش انــــــــــا اللـــــــــــى أبكـــــــــــــــى

لأ مش انا اللى ابكى 000ولا انا اللى اشكى



لو جار عليا هواك



ومش انا اللى اجرى 000واقول عشان خاطرى



وانا ليا حق معاك



====================
======================



لو كنت يوم اعرف000ان ألأسى منك



ما كان دا حالى معاك



ضحيت انا بعمرى000وسنين كتير تجرى



مش فارقه حاجه معاك





انت اللى بدات تهجر000وتخون حبى وتغدر



عمرى ما أصفى اليك



خساره فيك حبى000كان ليه تخون قلبى



وانا قلبى ملك اديك





انا اللى اعطيتك000كل الحنان منى



وتنكر حبى اليك



بكرا هتبكى دموع000وتتمنالى الرجوع



صدقنى مش هسأل فيك





وعايزنى ارجع ليك000وتقوللى مشتاق ليك



مشتاق للمس اديك



خلاص انسى اللى بينا000وانسى اللى كان بينا



عمرى ما هرجع ليك





اياك فاكرنى هلين000وللا فاكرنى مين



ضيعت عمرى معاك



فاكرنى هنسى اساك000وانسى عذابى معاك



وانت اللى ظالمنى





هنسى انى حبيتك000واتمنى ما رأيتك



كان يوم صعب عليا



والوقت بتبكى دموع000وبتتمنالى الرجوع



وجاى تتندم ليا





خلاص انسى000انسى انى ارجع ليك



خلاص انسى 000انسى00قلبى ما يتفع ليك



خلاص انسى000انسى00حبى ما يشفع ليك



مهما تبكى000000ومهما تشكى



عمرى ما هرجع ليك




انســـــــــــــــــــــــــــــــــــــــــــــــ ـــــــــــــــانى




=======================



مع تحيــــــــــاتى



s@meh_415

الاستقبال & الاهمال & الاستهبال(فى المستشفيات)

مره دماغى ف يوم وجعتنى

قلت اروح ع الاستقبال

شوفت حاجات متجيش ع الخاطر

ولا تخطر ابدا على بال

شوفت اتنين راسهم مفتوحه

وايديهم مربوطه بحبال

قلت اتطقس عن احوالهم

واعرف عنهم اى سؤال

الاتنين اصحاب ف الشارع

علشان بنت اتنافسوا عليها

عدت مره ف يوم قدامهم

واحد منهم شد اديها

والتانى واقف مش عاجبه

طلع مطوه كان مداريها

والاتنين ف ثوانى اتعاركوا

علشان بنت ما حد مربيها

نرجع تانى نشوف حكايتنا

ع اللى بيحصل ف لستقبال

مفيش تمريض ولا حتى نباتشى

ولا دكتور قاعد شغال

ودا عيان ف الطرقه بينزف

ودا واقف مسنود بعيال

حتى الاوضه القاعدين فيها

شكلها يقرف م الاهمال

ارض قذاره وقطن وشاش

وحقن مرميه مفيش عمال

تكنس تمسح ودى شغلتها

امور بلطجه شغل استهبال

لو كان فيه مسؤول يحاسبهم

ماكانش يفضل على دا الحال

كنت تلاقى الكل بيجرى

واتبدل من تانى الحال

=========
مع تحياتى

s@meh_415

دمــــــــــــوع النـــــــــــــدم(ارحمنى حبيبى)

إرحمنى حبيبى وطمنى

وإحكيلى إيه غير حالك

ساكت ليه مََتكلمنى

وقوللى إيه شاغل بالك

أشوف دموعك تإلمنى

معرفش إيه إللى جرالك

تملَّى دايما تهجرنى

وانا قلبى مشغول علشانك

أمسح دموعك تجرحنى

وجروح كتيره داويتهالك

بسمه عنيك بتفرحنى

ولمسه إديك ما نسيتهالك

كتر الجفا بيعلمتى

إن الاسى من أفعالك

حبيبى ليه دايما قاسى

تجرح عواطفى وإحساسى

ومهما كان أنا قلبى شَرِِِيك

وإنت إللى قلبك ليه ناسى

قلبى وروحى أنا ملك إديك

وإنت اللى راسمه ف كراسى

قلب كبير مرسوم حواليك

خايف عليك من حراسى

ومهما كان أنا قلبى كبير

هاييجى يوم فيه ويسامحك

وبرضه أنا قلبى لسه أصيل

هينسى جرحك وعمايلك

ونرجع تانى لأحلامنا

وننسى عذابنا وألامنا

ونحقق بالحب أمالنا

ويعود الفرح لأيامنا

=========

مع تحياتى

s@meh_415

يــــــــــــــــــارب إشفيلى عن حبيبى

بكل إسم سميت به نفسك

بكل حرف مكتوب على عرشك

بكل نظره عطف لعبدك

إشفيلى عن حبيبى

لو كان بإيدى انا اداوى جروحك

حذن ف عنيك بيدارى دموعك

قلبى ف هواك يتمنى رجوعك

إدعى يـــــارب إشفيلى حبيبى

نظره عنيه فيها ليا عتاب

حسيت بإن ف عمره غيــــــــــاب

يــــــــــــــــــــارب انت حليم تواب

إشفيلى عن حبيبى

اسمع انينه بقلبى ادوب

فاضل ف عمره شويه يادوب

يــــــــــــــارب إشفيلى عن المحبوب

إشفيلى عن حبيبى

فى كل اهه منك الم

فى كل دمعه حذنك ندم

وكل فرح ما بينا اتهدم

يــــــــارب إشفيلى عن حبيبى

عمال يوماتى اصبر فيك

وانا بس مين بيصبرنى

بقلبى وروحى انا والله افديك

واهديك كمان سنين عمرى

لو كان بكايا عليك يرضيك

كنت ابكى عليك بقيت عمرى

بقلبى وروحى انا والله افديك

وادعى كمان ربنا يشفيك

يــــــــــــــــــــــــــــــــــــارب

إشفيلى عن حبيبى

===============

مع تحياتى

s@meh_415

الصــــــــــــــــياد والســــــــــــــناره

انا صياد وسنارتى

طاعمها بحته من قلبى

يعدى الحلو من جمبى

تقوم تغمزلى سناره

وف الحاره

اشوف خطوتها تدلع

وعينى عليها تتطلع

وقلبى جوه يتقطع

فى مشيتها

وضحكتها

تمللى ترن ف ودانى

دى اسرانى

جمال ورقه ربانى

وأه يانى

دى هبلانى

أقول يمكن تعود تانى

وتغمز تانى سنارتى

وانا ف حيرتى

لقيتها ماشيه قدامى

ف احلامى

وأوهامى

تقول للأرض اتهدى

مافيش قدى

جمال ممشوق

وكلى شوق

فى نظره ساعة ما تعدى

ولا تدرى

تكون قدرى

ياريت الحلم يتحقق

وأغمض عينى لجل احلم

يدق القلب من تانى

تروح غمزالى سنارتى

أتارى الحلو كان شابك

بسنارتى

ومن خيبتى

أقوم ناتش انا غيبتى

تروح مقطوعه سنارتى

ف نهاية الخيط كان حلم

غويـــــــــــــــــــــــــط

اتارى الحلوه دى جاره

وأنا معرفش

يا خساره

كان حلم جميل

لو يتحقق

مش راح

اصدق

=========

مع تحياتى

s@meh_415

هـــاخــدهــا غـصـــــب عـــــــــنك

يـاحـلوه إنتـى يـاللـى

يالابـسه الــطرحه توللى

عــنيكى بـتـسـبللى

وســايــقه علــينا الدلال

مـش شــايف حـد أدك

دا الــغــصن بــان دا أدك

والــورد على خــــدك

مفــيش ز يـيـــك مـــــثال

لو كـنـت شــوفــت ابوكـــى

راح اكـلم تـانـى أخـــوكــى

ولـــيا يـخطبــــوكى

يا بنــــت الـحـــــلال

وكــل يــوم يـــــعدى

أدوب يا نــــاس ف ودى

مــش لاقــى حـد أدى

يـــنول كـل الـمـــنال

أشـــوف مـشـيك يـجــنن

عـنــيكى تــقول يـحــنـن

أقــول لنـفـســى يـمــكن

أســمع رنــة خلخـــال

لو مــــــره تحنى علـــيا

بنظره حلوه ليـــــــا

وايدك لامـــــسه إيديــا

حقيقه مــــــش خيــــال

هبوســـك غصــب عنــك

وحضـــن هــاخــده منــك

وإن قلتـى لأ هـزنــك

بجــــد مــــش هـــزار

تصــرخى مــش هـسـيــــبك

تـهـربـى فــين هـجـيـــبك

أنــا مـــن نصيـــبك

طــول عـمـــرى ف انتـــظار

هـسـتــنــى كـلـمه منـــك

مقـدرش أســتغنـى عنـــك

تــروحـى بعـــيد هاجنــك

عليـــكى انا بغــــار


===================
مع تحياتى

s@meh_415

الـدلـوعــــــــــــه( الحلو شاغلنى)

الحلو شاغلنى ف بعده


ماتقوللى اعمله انا ايه


مش قادر يوفى بوعده


واحترت ياناس انا فيه


كنت ابعتله سلاماتى


يقابلنى يوماتى ويضحك


ويرد على ابتساماتى


وسايبنى باسى ف بعدك


انا مشتاقلك يا حياتى


قلبى المجروح مشتاقلك


ارحم سهدى واهاتى


وعذابى والمى وجرحك


ويوماتى افكر فيك


وانت ولا حاسس بيا


لو اقدر يوم اجافيك


حبك ما يهونش عليا


فاكر انى اراضيك


وانت ولا ساءل فيا


ادعى ربنا يهديك


ويرجع شوئك ليا
===================
مع تحياتى
محمود السخيلى
s@meh_415
5/5/2009

طظ فيـــــــــهم

طظ فيهم


طظ ليهم


طظ فِـ الِـ زعلان عليهم



دول حساله


دول زباله


دول ما حد كبير أنيهم



مهما عملو


ومهما قالو


ومهما مدو ليك اديهم



دول جزاير


صنف خاير


دول ناقصهم كعب داير



نفسى أفش غللى فيهم


نفسى اضيع نوم عنيهم


نفسى اكبدهم خساير




لو اطول احرق قلوبهم


لو بايدى انسف بيوتهم


دمى منهم محروق وفاير



طظ فيهم


طظ فـ إلـ عرفنا بيهم


طظ فـِلـ يجمعنا بيهم


طظ فيـــــــــــــــهم
================


لها بقيـــه


مع تحياتى


s@meh_415

ياهل المغنى سيبونا فـ حالنا

والله احترت انا ويا المغنى


كل يومين طالعينلى فـ موضه


خبط ورزع أدان عـ المادنه


مش سامعينو كإنى فـ روضه


عاملين زى اطفال فـ حضانه


لعب وتنطيط مش طايقينو


ياهل المغنى سيبونا فـ حالنا


كفايه كلام محناش فهمينو


واحد ماشى يقول فـ البانجو


والتانى شغال فى مخانه


ماسك إرش حشيش بيعاندو


ويقولك مش لاقى شغلانه


غنى ياسيدى كمان واطرشنا


غنى كلام محناش فهمينو


ياهل المغنى سيبونا فـ حالنا


كفايه كلام محناش عايزينو


إحنا خلاص اذواقنا انحطط


حتى المغنى بقت بلكيلو


والله عقولنا منهم شطط


من عمايلهم بكرا نشيلو


ياهل المعنى سيبونا فـ حالنا


كفايه كلام محناش ناقصينو


واحد ماشى فـ الحاره بيجعر


بيقول ياخيار وبلح حيانى


خللا حماره منه ينعر


يقوله كفايه طرشت ودانى


هو دا يعنى اصلا مغنى


حتى المغنى انتم ظالمينو


ياهل المغنى سيبونا فـ حالنا


كفايه كلام محناش فهمينو


وهى غناوى الحب دى خلصت


لما يغنى كمان لحماره


ولما حمارته سمعته رفست


طفشت هربت كدا من داره


يللا اطرشنا ياسيدى دى دماغنا


مش نقصاك محناش قابلينو


ياهل المغنى سيبونا فـ حالنا


كفايه كلام محناش فهمينو


وهو الفن ياعالم لملم


لما يزيع لاغانى مجانين


وللا العيب فينا احنا ياعالم


لما بنسمع ناس تافهين


والله زمان مطرب يطربنا


بأحلا أغانى ومن تلحينو


ياهل المغنى سيبونا فـ حالنا


كفايه كلام محناش فهمينو
==============
مع تحياتى
محمود السخيلى
s@meh_415
3/12/2009

أعز الحبــــــــايب(حبيبى واحشنى)

حبيبي واحشني بقالك كتير


افردلك جناحي واجيلك وأطير


ياغايب عليا بقالك سنين


ياقادر ياقاسى يامدارى الحنين


واحشني واحشني وكتر اشتياقي


لقربك لحضنك لحبنا اللي باقي


كل كلمه حلوه بتفكرنى بيك


كل غنوه حلوه بتشوقنى ليك


نفسي مره أشوفك نفسي المس إديك


من زمان حارمنى من نظره عنيك


ليلاتي اسهر لوحدى أناجى نجوم الليل


احكيله عن حبيبي وعن قلبي العليل


كل ليل يعدى أبوس فيه القمر


أبوس مطرح شفا يفك في أيام السهر


حبيبي والله خايف ليطول بيك البعاد


وتروح بعيد ما ترجع وتخلف الميعاد


حاسس بحزن كبير مالي قلبي منك


خايف عليك حبيبي ليضيع العمر منك


وتروح من غير ما أشوفك واملى عيني منك


ويزيد شوقي وعذابي وطول بعادى عنك


خلاص كان القدر أسرع منى ومنك


خد اعز الحبايب ياطول عذابي بعدك


مكتوب عليا فراقك مكتوب أعيش وحيد


كان نفسي يوم وداعك أكون معاك شهيد


يضمنا لحد واحد وأكون لك ونيس


لكن خلاص حبيبي مكتوب أعيش تعيس


وأرجع تانى لوحدى أناجى نجوم الليل


وأحكيله عن حبيبى وعن قلبى العليل


الوداع يا اعز الحبايب
=========

مع تحياتى


s@meh_415

سهيــــــــــــله

عندى بنوته صغنونه


حلوه وشقيه ومجنونه


هيه الوحيده على اخواتها


ولعب كتير ماليا دولابها


خمسه وخميسه على عيونكم


صلوا على حبيبى رسولكم


ف اولى حضانه انما هايله


واسمها اسم سهيله


يارب احرسها من العين


ومن شر عنين الحاسدين


سهيله دى بنت لطيفه


مؤدبه ونفس عفيفه


اللى ف ايديها مهوش ليها


لاصحابها واللى حواليها


المدرسات مبسوطه منها


من شطارتها ومن ونظافتها


وان غابت يوم يسئلوا عنها


كل الصحاب حتى جيرانها


بتحب با باها ومامتها


وكمان عمتها وخالتها


اكون مكشر تناغشنى


وان كنت فرحان تعاكسنى


اشدها من ضفايرها


تخربشنى هيه بضوافرها


دى قطتى وانا عارفها


واحب دايما اناغشها


=========

مع تحياتى

محمود السخيلى

s@meh_415

نســـوان ســايقه اللــبط( سيبتولنا ايه)

سبتولنا ايه انتو ياستات


فى كل حاجه مشاركينا


ف الاوتوبيسات ومزاحمينا


وكمان الوظايف واخدينها


بناطيل قمصان ولابسينها


شيشه وسجاير شاربينها


شقق كتيره وسكنينها


سينمات مسارح داخلينها


سبتولنا إيه مش عاملينها


هو احنا مش بنى أدمينها


إيه يجرى لو عصمه ف إيدها


تأمر وتشخط ف سيادها


راح تفرى وتزيد ف عنادها


بإديها راح تخرب بيتها


هو الزمان مشى بالمقلوب


حكم القوى كدا ع المغلوب


قلوب بتنسى وتقسى قلوب


ستات عقول مليانه عيوب


بسببها تلقى دمار وحروب


سبب بلاوى دول وشعوب


حتى اللى فاضل لينا يادوب


حبه حطب وشويه طوب


لا عاد قماش ولا عاد فيه توب


لو فيه عزومه ملاقيش مشروب


لا تمر هندى ولا الخروب


منهم يــــــــارب


علينا تـتــــــوب


على البلاج لابسين مايوهات


من الفضايح عبى وهات


حتى الملابس ف البوتيكات


قمصان بكينى فساتين سهرات


قالو ف المثل اللى اختشى مات


ما تردو علينا ياللا يا ستات


إيه رأيكم فى المحتشمات

==========مع تحياتى

s@meh_415

نســوان مالهومش حـل(اقول تسكت)

أقــول تســكت00 مـــا تسكـوتشــــى


أقـــول تهــــمد00 مـا تهـــمدشــى


قلت يا واد مافـــيش غير حـــبل وخرزانـــه


وأنـــزل ضـــرب ع الرجلين


والهنــــشانه


ستـــــات بالطـــبع


مـــــــكاره


مالهــــــمش عزيـــــز


وغــــــــداره


تخــلى البيـــت يضـــرب يقلـــب


لا فيــــه ســــــجاد ولا


ستـــــاره


عقــــول فاضيــــه ماهيش حاســــه


بأن الــــــدنيـــا


دواره


فاكرينـــها هـــــزار زمن


غـــــدار


وامـــــور فهـــلوه وشطـــاره


ستـــات تافهيــن لكن على


ميـــــــن


هيدوقـــوا الـــــزل


بمـــــراره


ستــــــات عقولها


خربـــــانه


فالحـــــــين ف الرغى


وثــــرثـــاره


عكننه على طــــول وتملى تقـــول


أنا عايشه معــــاك


وقرفـــــانه


بالزمه يــانــاس دا يبقى كـــــلام


العيـــشه تمــــام


وزهقــــانه


دا جنس نمـــــــرود


ولا تـــانى تعـــــود


أتجـــــــوز واحـــــــده


ارشــــانه


أنا توبت خــــــلاص


مافيــــش اخـــــلاص


ولا حتى جـــواز ولا


حصـــانه


وأتحصن ليـــــه00هعمل


اضــــــراب


عن الستـــات العصيــــانه


ستات مجانيـــــن00وكتيــــر


مهابيـــل


ما لهـــاش غير ضــــــرب


الخرزانــــه


انا قولــــت خلاص هى


الســــــتات


مايجيـــــش منـــــــها غير


التفاهـــــــات
================

مع تحياتى

محمود السخيلىs@meh_415

8/7/2008

الجذء التالت من الذوجه النكديه

شوفت حجات متجيش ع الخاطر


ولا تخطر أبدا على بال


حاطه الأكل على الترابيزه


رز معجن وشامم شيطه


وجنبه صينيه خضار باللحمه


مليان ملح وكله شطيطه


وان قلتلها الأكل ملخبط


تعملك هليله وزيطه


وتقولك لو كان مش عاجبك


اخبط راسك ف أتخن حيطه


سايبه النار والأكل بيفرى


وقاعده بترغى ويا جارتها


رغى ودش كلام ع الفاضى


واتحرق الأكل وفج ريحتها


وان قلتلها دا والله حرام


تلقى البوز شبرين قدام


فاتحين سيره الست جارتهم


واللى بيحصل م الخدام


دى رغايه وأنا عارفها


مش هتبطل تانى كلام


لو واحد منكم ينصحنى


ويقوللى الحل تمام


مش عايز اعملها فضايح


ولا حتى توصل لقسام


وأنا منتظر الرد بتاعكم


بس بسرعه تردوا أوام


علشان أكمل بقيت ألحلقه


واللي بيحصل م النسوان
=============
مع تحياتى


s@meh_415

نســــوان مجنـــــــونه

دا كان رد من احدى العضوات من منتدى اخر ولى اساسه كان الرد
طب ايه رأيك تجرب إنت تطبخ بدل منت قاعد تكتب شعر في الستات؟؟
جرب كده تكنس وتغسل وتمسح وتاخد بالك من البيت والعيال كل يوم، وشوفه هتقدر تستحمل ولا لا؟؟
بس إنت عاوزها تتعدل صح؟؟ سهل خالص .. هددها إنك هتتجوز عليها، تلاقيها بقت ست بيت خمس نجوم!
كمل يا أستاذ سامح عشان نشوف أخرتها مع الرجال
ودا كان رد فعل النصيحه
=================
مصدقت القول وجريت علطول

وعملت بنصيحة صاحبتنا

غسيل وغسلت طبيخ وطبخت

مافاضلش باقي غير غرفتنا

روقت البيت غدا واتغديت

أنا والأولاد واتمددنا

تانى يوم علطول من غير ماتقول

كان عندي غسيل بالليل بايت

خَتََّلى فُومَّين كدا ع الماشي

ودخلت المنشر أنشرهم

واتارى اخويا للبيت ماشى

له عندي حاجات جاى يطلبهم

وفتحت الباب وبقيت مكسوف

من شكلى ومن نظرته ليا

والبيت شكله يضرب يقلب

والحاجه مكركبه حوليا

المهم

خلصت اخويا بطلباته

وبقيت ف البيت كدا وحديا

وأنا واقف بنشر ف غسيلي

ولا كان لا بيَِّا ولا عليَّا

لقيت واحده بتكلمنى

اتاريها شيفانى م البلكونه

ودي جاره جميله مقدرش احكيلك

في شقه قصادى ومسكونه

وطال بينا كلام وشامم شياط

اتاريها طابخه مكرونه

سابت البلكونه طلعت تجرى

ع المطبخ زى ألمجنونه

ماهى دى الستات طبعها غلاب

والطبع عمره ما يتغير

وأنا قاعد كدا ولا على بالى

لقيت اللى بيخبط على بابى

اتاريها ألجاره اللى قصادى

جايه بتسالنى على مراتى

وفضلت قاعده وهاتك ياكلام

وبترغى كتير وأنا ف سكاتى

وف لحظه كان الجو سكون

وسمعت دبدبه ع السلم

وبسرعه كان جمبى ايد الهون

قلت يا تصيب يا إما تسلم

اتاريها كانت الست مراتى

واقفه ع الباب وبتتصنت

والطبع ده طبع الستات

على اى حاجه بتتصنت

من غير مطرود خرجت علطول

الست جارتنا وبتعيط

وسمعت كلام م الست مدام

وزعيق ونعيق وبتصوت

بتحكوا ف ايه وبتقولوا ايه

أنا سمعاكوا وبتصنت

روحي ياشيخه منك لله

سمعت نصيحتك روحت ف داهيا

ودي أخره المشي ورا الستات

يا ينتحر يا تجيله كافيا

=======
مع تحياتى

s@meh_415

نســــوان مسترجـلــــــــه

ليه الستات هتجننا

مطلعه عينا

كل يوم عايزين مصروف

ودا شيىء معروف

رايحه الحلاق وللا الكوافير

واهو ياما نشوف

تقعد ساعتين تعمل ماكيير

ترسم ف كفوف

قدام المرايا يادوب ساعتين

تنقش ف جبين

حواجب سوده ومرفوعه

دا يادوب مترين

وشعر صبغاه بالبويا

بمنديل اويا

حتى الرموش حطاه عيره

لزقاه بغيره

وشعر وصلاه بضفيره

وعملاه عيره

وشحم حطاه بيزفلط

وش ملخبط

لون الشفايف دى شلاضم

قشر طماطم

والجسم دا اّه يانا عليه

اوصفلك فيه

اصبر شويه انت وهو

متصربح ليه

الجسم دا متقولش دا فيل

شبه الدرفيل

ف الشارع ماشيه بتدحرج

زى البرميل

صعبان عليا ان كان جوزها

ولا عريسها

لو مره ماشيين ف الشارع

حد عاكسها

مش راح يدوق طعم الراحه

ايد دباحه

محضره سواطير واكياس

تقول جراحه

تنزل عليه وتقرص فيه

عجين فلاحه

ودى اخره الغلبان موكوس

يعشق ف فلوس

لطال بايده يعشق قمر

ولا حتى جاموس

على رأى مثل المتعوس

منحوس

ولو علقو فى رقبته

فانوس

============
مع تحياتى

s@meh_415

مشـــــــروع التـــوكتــــوك

والله انا نفسى اشوف التوكتوك


مالى بلدنا ليل ونهـــــــــــــــــار


ولا تحتاج للتاكسى يعـــــــاندك


طول السـكـــــه والمشـــــــــوار


وان وقفت التــــــاكسى يقــــولك


رايح فـــين إيـــــــاك تختــــــــار


قولو إختــــــار انا ويا سيادتـــك


أنا ويـــــاك فيــن ما تودينــــــــى


دانتـــا الأســـــطى وانت الباشا


مين غيـــــرك هيطلع دينــــــى


مـــالو التوكتوك حلو مظـــــأطط


مش هيزاحـــم أسـطى فـ شــــارع


ولا ســـواق تـــاكسى يتـــــــنطط


ولا أوتوبيس يجـرى ويســـــارع


ولا عسكـــــرى مرور متعفــــرت


يقـدر يرفع إيـــــدو ويصــــــارع


اصل التـــــوكتوك حــلو مــأطــأط


وبيتــكلم هنـــــــــدى وصــــــينى


نفسى التــوكتوك يملا الشــــارع


ولأى مكـــان هــــو يوديــنــــــــى


ليـــه ما تخللــــى الغلبـــــان يرزق


وهو التــوكـــتوك وش مشـــــاكل


مش محتـــاج مقطـــــوره ولا زق


ولا محتـــــــاج واير أو شـــــــاكل


ممـكــــــن يدخـــــل أى مــــــــــدق


يقـف لســــت كبيــــره او راجــــل


نفسى فـ توكــتوك كــــدا على قــــدى


أقضى بقـيـــت عمــــرى وسنـــــينى


ولا ســـــــواق تــاكسى يزعـلــنـــى


وبالتوكتــــــوك راح اســـدد دينــــى


وعـجـبـــــــــــــــــــــــــــــــــــــى

============


مع تحيــــــــــــــــاتى


s@meh_415

الباشـــا ســــواق التــــاكسى

سواق قليط وعامل أزمه xxxxx من غير لزمه


معرفش انا ليه


عمال بيرفع ف الأجره xxxxx وقال من بكره


هرفعها جنيه


مش لاقى فيه حد يحاكمه xxxxx ويديه حجمه


مسنود على ايه


مكانش سواق يتقالط xxxxx والتانى حاطط


ف السما رجليه


لو مر عليك وتشاور ليه xxxxx يعملها طناش


ويقف للبيه


ودا شعب مغلوب على أمره xxxxx كده طول عمره


حتى الغلبان


مش لاقى حد يجيب حقه xxxxx ويقف جمبه


ما يكونش جبان


عاملّى قال سواق مجدع xxxxx ودا متدلع


مالهومش أمان


صدقنى دى ازمه وهتفوت xxxxx سواق هلفوت


مش ماشيه معاه


ضاربله حجرين تعميره xxxxx او كوز بيره


وشغاله معاه


اشوفو مره واقف ف كمين xxxxx ماسكينه إتنين


هارينلُه قفاه


م الضرب واقف يتنطط xxxxx قرد مظأطط


عينى يا ولداه


صعبان عليا اللى جراله xxxxx من اعماله


فرحان انا فيك


يابنى إهدى كدا xxxxx ربنا يهديك


الله يخليك


وإرضى بنصيبك xxxxx ما يصيبك


غير مكتوب ليك


دا مهما كان الراكب دا xxxxx يبقى قريبك ولاّ نسيبك


أو صهر اليك


===============

مع تحياتى
محمود السخيلى

s@meh_415
17/9/2008

عروســــة الغــــــافله

ستات حلوين لكن طعمين
ف الشارع علطول بنشوفهم
رايحين جايين زى الغزلان
ولا حد بيقدر يعاكسهم
سألت مره واحد صاحبى
ليه الوحشين ما بنشوفهم
كلمه ف سرك ماتقولش لحد
دول هما اللى احنا واخدينهم
مقلب خدناه واحنا شربناه
ما خلاص وقعنا ف ارابيزهم
يوم خطوبتنا كان يوم مشهود
راح احكيلكم على حكايتنا
حكايه تخلى العقل يتوه
وانا بخطب بنت حتتنا
أخذت اخواتى وكمان لصحاب
وروحنا نخبط على بيتهم
فتحو الابواب قابلونا ع الباب
بالفرحه ومعانا شبكتهم
احلى تحيات وكتير سلمات
ماهى واحده وهتغور من بيتهم
مطولش عليكم ساعتين قاعدين
وعروستنا لسه ماحضرتشى
عند الكوافير تعمل ماكيير
تتمكيج ليه ماتعرفشى
وانا قاعد كده ولا على بالى
دخلت واحده ف ايدها صينيه
قصدانى علطول من غير ما تقول
ف كلامها رقه وحنيه
اهلا سلامات اشرب شربات
وعنيها جايه ف عنيا
معرفش انا ليه متلخبط ليه
مادى اول مره اخطب واحده
معرفش ازاى لمست اديها
راحت مكسوفه قامت جاريه
انا قلت خلاص اهو دا الاحساس
والقلب اندب واختارها
وقرينا الفاتحه وربط كلام
وقدمت الشبكه ف علبتها
كانت دبله واسورتين
وحلق شراشيب ولبستهم
وسمعت اغانى ورقص كتير
وكمان زغاريد من فرحتهم
وفَرَقُو شَرْبَاتْ وكمان جاتوهات
على المعازيم وحبايبهم
وف اخر السهره مشى المعازيم
وفضلت انا قاعد اسامرهم
============
البقيه سوف تأتى تباعا
ان شاء الله
مع تحياتى
s@meh_415

الذوجــه النكديـــــــه والاولاد (1)

مره ف يوم الست بتاعتى

جث تشكيلى من الأولاد

ده مش عجبه الأكل بتاعها

ودا قاعد سايق في عناد

سيبت كتابه الشعر بتاعى

وقولت في إيه مالكم ياولاد

واحد قال الأكل معجن

طابخه دشيش فكرانا حيوان

والتاني قاعد بيعيط

بطنه بتصرخ أصله جعان

قلت أشوف الأكل بتاعها

منا برضه قاعد همدان

شوفت حجات متجيش ع الخاطر

ولا تخطر أبدا على بال

راح أكمل ف الحلقة الجايه

ع اللي بيحصل م النسوان

بس انتم بقى ردوا عليا

وأنا احكيلكوا ألقصه كمان===========
مع تحياتىs@meh_415

ستــــات إديـــــها ســـــــايبه

ستات كتير غاويه التبذير

وف كل مره بننصحهم

عقول فاضيه ومن غير تفكير

واحنا ف ادينا نمنعهم

سايقه الدلال علينا كتير

ما يهون علينا نزعلهم

لوعدى يوم من غير تكدير

من غير نكد بتسوء حالهم

تلقى الوشوش متعاصه بالطين

وتراب البرك ماليه دماغهم

هما الولايا دول مش فاهمين

ان الدلع مش فى صالحهم

وللا احنا يعنى مش قادرين

جوه البيوت كده نحبسهم

زى القطط ناكرين الجميل

مهما نداديهم ونلاعبهم

لو جت ف مره علينا تميل

احنا ف ثوانى نصالحهم

ماهو طبع فينا احنا ياخايبين

قلوب ضعيفه ما نجرحهم

ضحك ودلع وعيون سابلين

وكلام معسول راح نسمعهم

كيد النسا..ولا كيد شياطين

مين دا اللى يقدر يغلبهم

===========

وعجبــــــــــــــــــــــــى

مع تحياتى

s@meh415

يــــوم فــ مخـــــــــانه

مره ف يوم انا كنت بحشش ويا صحابى جوه مخانه

صاحب الغرزه دا راجل مجدع قام ويانا بكل امانه

جاب ترابيزه وجهز هلنا وكمان جوزه كانت مليانه

وهات تقطيع ف حشيش ويوزع على مساطيل قاعدين ويانا

وجاب الجوزه وشد نفسها اصل الجوزه كانت عمرانه

حط الجوزه على الترابيزه وجاب الماشه ورص معسل

ورص الفحم على التعميره وحجر الجوزه دا كان متعسل

اما صاحبنا دا كان متسلطن جمب الحيطه كدا ومكسل

بعد ثوانى اتشقلب حالنا حتى دماغنا كانت خربانه

وهات ياهزار مع ضحك ولعب وطبل وزمر عقول هربانه

ونقول تريقه على بعض ونضحك منا معرفش مين اللى معانا

بعد هزارنا ... قل مزاجنا وقرش حشيش فاضل ويانا

قلنا نعمر تانى الطاسه وكان فيه شيخ قاعد ويانا

بعد شويه كان فيه كبسه على مخانتنا وبهدلوهلنا

جت عربيه وفيها كام مخبر دخلو الغرزه وشقلبوهلنا

وظابط الكابسه كان مش عاجبه مـ اللى بيحصل ويا اصحابنا

شيخ كان ماسك الجوزه يحشش قدام ظابط ولا على بالنا

اصل الجو دا كان متشبر مـ الدخان ولا واخدين بالنا

قال للظابط لو فيه حرمه احنا كده بنحرق مالنا

ولو الشرع محللهالنا يللا اتوكل ما تزعلنا

مش ناقصينك يللا اتمشى دانتا يادوبك قد عيالنا

ضحك الظابط من عمايلنا ولم عساكره وسابنا ف حالنا

وادى حكايه الشله بتاعتى كل يومين مع بعض نحشش

جوه مخانه ف ناصيه حاره اصل صاحبها راجل متريش

فكر مره معانا تحشش هنخليك علطول متفرفش

خدلك كدا نفسين ع الماشى تلقى مزاجك بقى متنعنش

وتنسى الدنيا وتنسى همومك وتحس انك ملو هدومك

حشش واحبس بقى وادعيلى وقوللى ازاى هتكمل يومك

دا انتم عايشين ف التوهان وعيشتكم مليانه جنان

لو مره انا قاعد وياكم عمرى ما احس ف يوم بامان

دانتم كدا جبتولنا العدوى فيروس سى وكمان سرطان

وإنسى انى ف يوم اجاريك والجأ مره ف يوم انا ليك

لو تعرف ايه معنى الصحه كنت تكلبش فيها باديك

فكر مره تصلى ف يوم وادعى كدا ربنا يهديك

بدل النيله اللى بتشربها ادبحلك فرخه تغذيك

كدا علطول هتحس بقيمتك والصحه راح ترجع ليك

============
مع وافر تحياتى
محمود السخيلى
s@meh_415
29/9/2008

رســــــــــاله حــــــــــــب

رساله أكتبها
من راسى ف كراسى
سطورها ملياها حروفى
ومن خوفى مابكتبشى
ولا أكدبشى
دى كلمه صدق جراحه ودباحه
مافيش راحه
ولو كان الثمن قلبى
ومتخبى
جواه الحذن متعبى
أقول يمكن يجيلو يوم
ويصفالى
أنا خايف ليخلا بى
ويبعد تانى ولا أشوفه
ومن خوفه
يدارى الحذن من جوفه
وأنادى عليه
مايسمعنى
وقلبى جووه يوجعنى
أقول يعنى
منا ألغلطان
مسيره يروق ويرجعلى
وأرجعله
ويرجع فرحنا تانى
ومن تانى
نعيد الفرح والبسمه
تطير أحلامنا وترفرف
كما العصافير
على الشجره بين أغصانها
عش جميل
وعملاهابكومه قش
ولا تتعبش
أطير ونطيربجناحتنا
وفرحتنا ماتتقدر
ياريت أقدر
يوصل لها صوتى وتسمعنى
ما تجرحنى
ونرجع زى ماكنا
زمان بينا
تقول الآهه أتألم
مابتكلم
أسمع أنينهاجوايا
ودمعايا
مخبياها أنا جفونى
وفى عيونى
حنين وشوق لحبيبى
ودا نصيبى
إللى طال بعده
وخلا بييا
ياريت كلامى يوصل له
ويقوله
كفايا بعاد كفايا عناد
ماتعندشى
ومتقدرشى مسيرك يوم
هترجعلى وتسمعلى
وهسمعلك
وتحكيلى وهحكيلك
ويحضن قلبنا الدافى
حبنا الوافى
ياريت حبيبى تسمعنى
وترجعلى
ماتوجعنى
كفايا بعاد كفايا عناد
ماتعندشى
=======
مع تحياتى
s@meh_415

الإعـــــــــلام التـــــــايه

مره ف يوم انا كنت بصلى
صلاه الفجر ويا جماعه
جت عربيه وفيها كام مخبر
وحاصروا المسجد بكل فظاعه
وكام عربيه نقل ولورى
وكام دبابه ومدرعه
قلت فى إيه هو احنا ف حرب
وللا احنا احتلينا إزاعه
إحنا يادوب خلصنا الفجر
واتلمينا مع بعض ف ساعه
وخدونا على أهل الدوله
مش عارفين إن احنا وداعه
داحنا يادوب م البيت للجامع
حتى اللقمه ما بندوئهاش
فجر وضهر وعصر ومغرب
وعشا ووتر ما بنسبهاش
هى جريمه إن احنا نصلى
فرض الله مانفوتهاش
مش غاويين لا قهاوى ولا كوره
طاوله وكومى ما بلعبهاش
سايبين ناس عماله تهلب
تسرق تنهب ما بتهداش
وهى صلاه الفجر جماعه
عند الدوله تبقى جريمه
والله انا خايف يوم اتهور
بدل المسجد ادخل سيما
افلام عنف وجنس دعاره
ماليا السينمات أه ياخساره
وكمان مغنى قالبه دماغنا
وطبل وزمر نعيق وجعاره
طول المغنى يقول ف البانجو
والبرشام وحشيش ف سيجاره
ياأهل الدوله سيبونا ف حالنا
وللا انتم فاكرينها شطاره
وجرايد عماله بتكتب
فى كلام فارغ مش فاهمينه
قتل وسرقه ونهب وخطف
وخبر بايت مش عايزينه
فاكر إن احنا عقولنا تفاهه
مش فاهمين عن مين كاتبينه
ناس لها تقل كبير ف الدوله
وخبر عنهم ليه كاتمينه
والله ياناس اعلامنا اونطه
مش عارفين ان احنا ف ورطه
انا خايف اعملها فضايح
وف لحظه ياخدونى على طنطا
يا أهل الدوله سيبونا ف حالنا
انا رايح اصلى ف مالطه
=======
مع تحياتى
s@meh_415

شـــــــــــــبــاب مروشــــــن

كورنيش الشط دا كله عجايب
إتمشى عليه وياماهتشوف
إتنين إتنين كله حبايب
قاعدين ع الشط مكانه معروف
صبيان وبنات ودا شيىء عادى
لا فيه احترامات ولا حتى كسوف
قاعدين لازقين ولا فيه ساتر
ولا عاد فيه دم ولا عاد فيه خوف
بوس وأحضان والذى منه
وإن قلت دا عيب عمرك مقصوف
فى ساعتها تشوف إيه يجرالك
وكلام مرصوص مش على بالك
غير الإهانات وشتيمه بالكوم
توصل للضرب وقطع هدوم
لو كان فيه نظام او في مراقبه
ما كانش يبقى الحال معدوم
ولا فيه بوليس ولا فيه تإمين
ولا حتى عساكر دوريه
يحموا الماشيين او القاعدين
من الصايعين والشلاليه
رايحين جايين نازلين تأليس
على البنات بالملاغيه
بالذمه ياهووو بقه دا إسمه كلام
الناس إزاى تعرف تمشى
كدا ف الكورنيش او ع الممشى
ولا فيه تأمين ولا قسم بوليس
والمخبرين مش لاقيينهم
يمكن(حاطاكاباظا)والله ما عارفين
ياخساره يابلد كان فيكى الولد
قبل ما يتولد بيسموا عليه
واهو ياما نشوفولا عادش كسوف
كدا ع المكشوف بندلع فيه
يطلع خيبان ودا ف التوهان
حتى التعليم مش فالح فيه
مش لوفيه متابعه من رب البيت
او حد كبيردا يكون إضمن
لو هما صغار أو حتى كبار
لو تخاويهم كان يبقى احسن
إبنك تخاويه وإياك تعاديه
ودايما تحاكيه عن احواله
يمكن تعبان يمكن زعلان
من حب جديد غير حاله
ودايما تراضيه وتصالح فيه
لو كان زعلان من خلانه
وتكون مرتاح كدا من حواليه
طول ما إنت متابع احواله
وإنت الكسبان منتاش خسران
دول مهما ان كان يبقوا ولادك
========================
مع تحيـــــــــــــــاتى
s@meh_415

شــــــــبـاب لولاكـــــى(شبان كتير)

شبان كتير ماشيه تبحلق
بتبص لفوق
طول ما انت عمال بتبرشم
عمرك ما تفوق
اسمع كلامى دى مصلحتك
عايزك انسان
صحصح كدا وروق بالك
ما تكونش جبان
شبان كتير وبنات ياما
قاعده تشييت
قاعدين ع النت بيرغوا
ويقولوا فى كلام
سارحين على بعض يقولو
فى كلام بايت
كلام مضروب ومتكرر
كل دا اوهام
تلقى الشباب كدا ع القهوه
قاعدين بالكوم
ولا عادش فيه شغلانه تنفع
ولا شغل يدوم
هو احنا كدا ياهل بلدنا
بنحمى شبابنا
كتر البطاله ايد بطاله
بتزيد عن يوم
لو كان بايدى انا اشغل
مليون انسان
وافتح مصانع وابداها
حتى بدكان
دى بلدنا والله خيرها كتير
بس ندور
ولا عادش نقبض فى رشاوى
ولا هنزوور
==========
مع تحياتى
s@meh_415

نفســــى باعــالم يــوم اتــلم

نفسى ياعالم يوم اتلم

نفسى ف يوم ينزاح الهم

عشت كتير وصبرت كتير

وعلى أد ما عشت طفحت الدم

نفسى ف شقه واكولها بدقه

بس الشقه محتاجه زقه

سنين بتمر علينا بتجرى

واحنا بنجرى كمان وياها

فات ايام وسنين بتعدى

مش عارفين اخرتها معاها

شعرنا شاب وعقلنا غاب

فاضللى يومين وانسى الاحباب

وانسى العشره وانسى الصحبه

وانسى إن احنا لسه شباب

مش لاقيين شغلانه تنفعنا

مش لاقيين حد يشجعنا

نفسى ف شغله أتكون منها

نفسى يكون مسئول يسمعنا

كل مسابقه اتقدم ليها

القى هجوم وخناقه عليها

وارجع تانى مكسور الخاطر

والعن كل مسئول فيها

مش كان احسن كرسى ف جامعه

ولا مرمطه وصياعه ف الشارع

بعد سنين العمر الضايعه

إتخرجنا بلقب

ص اي ع


===============

مع تحياتى
محمود السخيلى
s@meh_415
9/5/2009

نـــاس ونــــــــاس

ناس تهلب وناس تقلب

وناس جيوبها منفوخين

ناس تلطش وناس بتلطش

وناس خدودها متنفخين

ناس بتسرق وناس بتنهب

وناس عامله مفتحين

ناس تبحلق وناس تبرق

وناس عيونها مفنجلين

ناس تهرج وناس تبلطج

وناس خايفه مرعوبين

ناس بتعلا وناس بتوطا

وناس قاعده مبلمين

ناس بتعطف وناس بتخطف

وناس بتاخد بايمين

ناس تهلل وناس تولول

وناس بتلطم بالايدين

ناس بتعيا وناس بتمرض

وناس بتصرخ م الانين

ناس بتاكل وناس بتشبع

وناس بطونها خويانين

ناس ديابه وناس غلابه

وناس بتضرب فـــ السمين

ناس معانا وناس معاهم

وناس تايهه مابين لتنين

ناس تقرب وناس تغرب

وناس مدوبها الحنين

ناس بتسهر وناس بتسكر

وناس قاعده متييسين

ناس بتاخد وناس ما تدى

وناس ماتعرف إنت مين

ناس بتهرب وناس بتجرى

وناس إديها متقيدين

ناس بترشى وناس بتوشى

وناس غلابه مش لاقيين

ناس بتشكى وناس بتبكى

وناس مدوبها السنين

ناس وناس

ناس وناس

========

مع تحياتى
محمود السخيلى
s@meh_415
1/10/2009

إنتخبــــونى لســـــــداد ديـــــــونى

تصور إن فيه جمعيه تعاونيه تابعه لاحدى الشركات إنتخابات اعضائها (أسخن وأمر) من انتخابات( مجلس الشعب )والكل بيتهافت على ترشيح نفسه(لعضويه الجمعيه) وطبعا حضاراتكم عارفين السبب إيه( المنافع والمكاسب الماديه) من عمولات الصفقات الخارجيه وارباح الجمعيه (وما خفى كان اعظم)
============
نفسى فـ مره ارشح نفسى

نفسى ياعالم اسد ديونى

قلت مافيش غير الجمعيه

وانتوبقى اللى هتنتخبونى

نفسى ياعالم مره اترشح

واخد قرض من الجمعيه

واخد رز وزيت وبقاله

ماهى خلاص هتبقى تكيه

وانظف نفسى واهندم لبسى

وبعد يومين اركب عربيه

وافتح ليا حساب فـ البنك

ومع زملاتى اعمل جمعيه

ما أنا خلاص ضمنت الكرسى

كلها كام يوم واعمل صرفيه

وانهب منها كام ملطوش

واعمل منها مصلحه ليا

وارستأ نفسى واشوف مصلحتى

واعمل زى اللى كانو قبليا

كان ارباح الناس فــ كراشهم

وصرف ونهب فلوس شهريه

غير عمولاتهم واختلاساتهم

وكمان نهب فلوس نقديه

وبعد صاحبنا ما كان مديون

رشح نفسه وسد ديونه

خدلو عموله كدا كام مليون

من بعد ما كان الفقر زبونه

فين ارباح الكحك ياعالم

فين ارباح اللحمه ياهووو

هى حلاوه المولد خلصت

وللا انتم فاكرينها جاتوه

كل مواسم السنه اهى عدت

فين ارباحها انتو اكلتوه

ارباح الناس قاسمينها ما بينكم

فين ارباحنا انتو لهفتوه

بعد ما كان رجليه كدا حافيه

الوقت بيلبس كلاركس

والقمصان لابساه بالعافيه

والوقت بيلبس (x4) فور إكس

وعجـبـــــــــــــــى

========

مع تحياتى
محمود السخيلى

s@meh_415
5/10/2009

سهـــــــــــــره فى خمــــــــــــــــــاره

صاحبى عزمنى ف يوم على سهره

قلت اقبلها ومكسفهوش

قلت ف نفسى دا يمكن حفلة

كتب كتاب او سهره ف حوش

رحت انا لابس بدله شياكه

عند محل متعرفوهوش

جانى البيت ومعاه كان صاحبه

وقاللى كلام انا مفهتوش

دخلنا ف بار موجود ف عماره

تحت السلم ماعرفتوش

مكتوب على بابه خماره

وجمبه كلام انا ماقريتهوش

أصل دا صاحبى صاحب صاحبه

واللى معاه ما بيمنعهوش

صاحبى دا كان حاجز ترابيزه

وصاحب البار خد كام ملطوش

وقام ويانا بأحسن واجب

اصل صاحبنا بنك فلوس

وجاب المَزَّه وكمان مُزَّه

وشافها صاحبنا بقى مفروس

كان متعشم ان المُزَّه

دى لهطه قشطه جمال مهووس

طول القاعده صاحبنا اتعكنن

يشرب خمره ويملا كؤوس

وهات تريقه وكلام ع المُزَّه

وإيه الحظ دهو المنحوس

وفاكر إنه هايسهر سهره

وطول الليل قاعد موكوس

وبعد السهره انا خدت صاحبنا

أصله مِدَهْوِل كان مسطول

طول السكه يسب ويل عن

صاحب البار راجل مقفول

جايب مُزَّه إظاهر هابله

وكانت ضاربه قِدْرِه فول

قاعده تطبل كده وتهبل

سمعها صاحبنا جاله زهوول

ايه بس اللى جانيته ياربى

امشى ورا واحد مخبول

وعجبــــــــــــى
=====
مع تحياتى
محمود السخيلى
s@meh_415 
3/10/2008

وادى أخــــرة المخمخــــــه

نفسى فـ مره أشد معسل واشرب بانجو والف سيجاره

واسهر مره ويا صحابى جوه مخانه فـ ناصيه حاره

واشرب تمن حشيش وأمخمخ ونكمل سهره فـ خماره

تمن حشيش خلانى مدهول واسرح كدا ويا المساطيل

أما دا صاحب الغرزه دا عييل صحصح راسى بشاى مغشوش

شاى معمول على مية جوزه وحبة سكر سنترفوش

حتى المفرش عـ الطقطوقه كان مصنوع من حتة خيش

وبرميل ميه جمب الحيطه كان متغطى بكسرة شيش

والكوبايه منظرها يعكنن لسه غاسلها مـ البرميل

وفـ لحظه لقيت الجو مشبر قلت الداخنه دى جايه منين

قمت اتطقس كدا وأدور شوفت اتننين قاعدين دايخين

واحد ماسك الجوزه بيرصص عمال يعزم عـ القاعدين

والتانى عمال بيحشش كاتم نفسه ونفسه طويل

بعد شويه سمعت شتيمه وضرب بوانى شلاليط واقلام

جت عربيه وفيها كام مخبر وحاصرو الغرزه وكله تمام

قلت فـ نفسى وقعت يافالح وجوه القسم مش هتنام

مالى ومال الشله الفاسده دانا اول مره طلعت عويل

ركبنا البوكس وروحنا المركز شوفنا وشوش ماهيش مألوفه

شوفنا وشوش شكلها متلخبط ضرب مواس وايدين مكتوفه

شكلها كدا علطول متنرفز حتى لغاتهم مش معروفه

وهات تلطيش فـ وشوشنا ويضرب ويفتش حتى البناطيل

كنت مخبى فـ جيبى تعميره عدا المخبر ولا شافهاش

قلت فـ نفسى ربنا يستر حتى الظابط مالمحهاش

ولبست قضيه حكم تعاطى وييا صحابى انا روحت بلاش

دفعت كفاله وروحت لبيتى بعد ما دوقت مرارة الويل

وادى جزاه اللى ما يسمعشى كلمه ماما تقولها

===========

مع تحياتى

محمود السخيلى
s@meh_415 

15/12/2009

جــــــــــوزه وقــــــــــرش حشـــــــــــيش

جوزه وقرش حشيش

واتنين جنيه بقشيش

لصاحب القهوه

متشعلل ياعم ورص

حجرين وقرش ونص

خلينا نتهوى

فيه مخبرين قاعدين

محناش كمان ناقصين

تيجى كابسه على سهوى

روق كده ومخمخ

واكتم نفس وانفخ

واعدلنا العمه

خلى الجوزه تكركر

من ايد لايد تكتر

كتر من المساطيل

صوتها بيشجينى

طول عمرى وسنينى

اسمعها ف المواويل

زود كمان حجرين

فيه ناس كتير جايين

خلى الكلام يحلا

شد النفس جامد

لجل الحشيش خامد

خلى المزاج يعلا

وهات طبق مزه

وروق لنا الغرزه

وافتح لنا التسجيل

وسمعنا صوت سوما

لا الجوزه مكتومه

اغنيه بصوت جميل

ونغنى وياها

اغنيه ماحلاها

جوزه وقرش حشيش

والماشه وياهم

جمعوا سوا حجرين

وسهرنا شربناهم

جمعوا سوا حجرين

والمزه وياهم

وكان سعات السطل

خدنا الهطل وننام


وكان مزاجنا عسل


ساعة السطل ياسلام

وبعت ساعتى لسعد افندى


وما ابعش ليه


وكان منايا يكون معايا

مزه واتنين

سطلنى قرشك حشيش يغشك

وافوق لمين

اسحب وشعلل ف حشيشك

طلع نفس من نخاشيشك

تلقى الدماغ تعلا وتعلا

لحد ما ينتفوا ريشك
=============
مع تحياتى 
محمود السخيلى
s@meh_415
6/7/2009

نـفـســــــــــى

نفسى فَـ مره ابات متعشى
وانام متغطى ولو بلحاف

نفسى ياعالم اسد الجوعه
بطون موجوعه برغيف حاف

نفسى فـَ هدمه قديمه تسترنى
وفرده جزمه وجوز زحاف

ناس رايقين عماله تبعزق
فِـ فلوس ياما هنا وهناك

عماله تاكل لب وفزدق
وتسكع بيره وكاس كونياك

مش عارفين فيه رب بيرزق
ويوم العرض بيستناك

إنت ياويلك يـَ ظلام ليلك
ساعه القبر استنى ملاك

الاتنين هـَ يطلعو عينك
وجوه القبر استلقى قضاك

وإنت ياوالى ليه متعالى
ناسى ألاخره ويوم فـِ حساب

عمرى ما أنساك يوم عن بالى
دا كل صباح ملكين عـَ الباب

إوعى تفكر فيه شيىء غالى
دا عند الرب ما يسوى(ذباب)

فكر إن العمر دا بالى
وياما ضم القبر شباب

عمر ما كان الفقر دا عيب
ولا يمكن نستاء منه

ممكن تلقاه لحد قريب
ولا نستغنى فـ يوم عنه

إعطف مره ولو لغريب
ولا تسئلو يوم عن سنه

إعمل جميل وارميه البحر
هو انت إيه؟خسران حاجه!

عند الكريم هيزيد ارباح
فـ يوم الحساب راح تحتاجه

===========================

مع تحياتى
محمود السخيلى
s@meh_415

23/7/2009

اللــه يرحم نســـوان زمــــان

أيام زمان كانت الستات لابسه الياشمك

لو مره بصيت نحيتها بسرعه تشاكلك

والوقت كل الستات خارجه فارده ضفاير

وجوزها قاعد عـَ الأهوى يلعب شيش يك

أيام زمان تلقى الستات لبسه ملايه لف

لو حد زعلها بكلمه نفسها تتعف

والوقت ماشيه بتترقص شعرها طاير

وعنيها على شاب مروشن نفسها تتزف

أيام زمان العفش يادوب ز ير وحصيره

سرير وكنبه ومرتبه قطن وتصويره

والوقت تلاجه وبوتاجاز طقم ستاير

وعريس مريش فـِ البنك فلوسه كتيره

فاتحه وحنه وكتب كتاب بعدين دخله

خلخال وحلق واسورتين وكمان دبله

والوقت شبكه من الأماظ حلوه خطيره

وفـِ الأخر تطلع شعنونه وكمان هابله

حسره عليك كدا يابن الناس علطول غلبان

حتى فـ جوازتك مـِ الهابله تطلع خايبان

طلقها وارمى عليها يمين فضها سيره

مـَ حلاها عيشة العزوبيه إنت الكسبان

===========

مع تحياتى

s@meh_415

الذوجــــه المتسلطه(مره مراتى)

مره مراتى جت وقالتلى
قوم فسحنى بسرعه اوام
قلت ف نفسى والله  فرصه
اخلص منها وارجع انام
خدلك ساعه واتنين بتغير
والفستان مربوط بحزام
والجزمه عماله بتشكى
من رجليها مترين قدام
نازله تدب وهاريه السلم
وهاتك رغى وكتر كلام

اخرتها شاورت للتاكسى
سابتنى ورا وركبت قدام
السواق بصلها اتعكنن
طول السكه يقول ف كلام
مش فهماه00 بس انا فاهمه
واسمع منه واقول ياسلام
نفسى اقوله مره ف عمرى
وتسمعه منى الست مدام
كله شتيمه وتف ونف
وضرب بوانى شلاليت واقلام
دى قرفانى والله ف عيشتى
ومطلعه عينى سنين وايام

سيبنا التاكسى وروحنا الممشى
قلت اتفسح انا وياها
ماشى ورانا شويه صييع
وهات تأ ليس ع الست بتاعتى
ياواد ياتقيل00 ياتخين ياملظلظ
وانا مطنش ابص ف ساعتى
ماشيه معايا م الغيظ هتفرقع
م التئليس وكلام الصييع
راحت باصه أوام ف وشاشهم
سابو الممشى وهربو بسرعه
والله زعلت شويه جبناء
ضيعوا منى ماتش مصارعه

سبنا الممشى دخلنا المطعم
راحت طالبه بسرعه كوارع
غير الفته وطبق الشوربه
وفضلت تاكل وبتتصارع
خبط ورزع فوق الترابيزه
وهات تخبيط بماسوره الكارع
اتلموا علينا زباين المطعم
وكمان ناس كانت ف الشارع
قلت ياناس دا مافيش حاجه
دا طقم اسنان محشور ف الكارع

سبنا المطعم روحنا السينما
وجابت لب لبان وسودانى
وهات طرقعه ف لبان وتقزقز
وترمى القشر فى قفا قدامى
وهات تريقه ع الفيلم وتضحك
حتى الضحكه ما هيش عجبانى
وقبل الفيلم العربى ما يبدأ
سمعت صوت هيهد ودانى
راحت نايمه وهات ياشخير
واتلمو علينا الناس من تانى

سبنا السينما دخلنا جنينه
والناس قاعده كتير حوالينا
عماله تحكى وبتتشاكل
واتلمو الناس تانى علينا
قلت ياستى كفايه علينا
اللى عملتيه وفضحتينا
مفيش مره ف يوم ويعدى
الا وصوتك يعلا علينا
قلت ف نفسى والله انا حاسس
ان الفسحه دى غم علينا

هو انا يعنى دا كان قصدى
وانت بطبعك دا مخلينا
مساجين جوه حيطان مقفوله
وانت ف وادى ما حاسس بينا

كفايه كدا طولت عليكم
وادى حكايه الست بتاعتى
واسف جدا انا مش قاصدى
ذنبك ايه تسمع لحكايتى
دايما كده علطول جلبالى
ف اى مكان راح اكون وياها
ودى اول مره واخر مره
راح اتفسح تانى معاها
نصيحه اهى لوتسمع ليا
اوعى ف يوم تسمع لوليا
دى مجنونه وعقلها طاقق
ومعروف انها نكديه
لسه فيه تانى بقيت الحلقه
لو عايزينها راح اقولهالكم
بس ان شالله ما تزهقوا منى
وانا ف ثوانى راح اكتبهالكم
======
مع تحياتى
محمود السخيلى
s@meh_415
24/5/2008