قائمة المدونات الإلكترونية

السبت، أكتوبر 29، 2016




يانفس توبى


فإن الأجل قد حانا


ثقلت ذنوبى

وخطايا للقبر قد دانا

تركت توبى

وأحضرت للسفر أكفانى

ياليت زادى لأخرتى كفانى

هكذا الدنيا لا تدوم لساكنها

كما دخلتها

ستخرج منها عريانا

===========
محمود السخيلى

24/10/2016
=========

الأحد، أكتوبر 16، 2016



صعبان عليا إبن أدم

----------------------
سيجال بسيط على ما تفرج:--
================
محمود السخيلى:-
.....
صعبـان عليا ابن أدم كتر الهمـوم هــداه

إرمى الحمول ورا ضهرك واصرخ بقولة أه

يمكـن تـزول نكبتــك وتقل من شكوتــك

تلقى الأمـل سكتــك والصعب تتحــــداه
----------------------------------------
---------------------------------------
الشاعره القديره/ شجرة الدر :-
........
هيروح لفين إبن أدم والدنيا كده كده هداه 

شقيـــان علي قوتـــه والهم يجري وراه 

صـــابر يمكن فــي يـــوم تنصفه الايــــام 

والحظ يلعب لعبته وتزهزه مره معأـــاه
سلمت اناملك إستاذنا
--------------------------------------
--------------------------------------
محمود السخيلى :-
.......
مادام تكاله على الله وعارف فى رب معـــاه

رازق الدود فى الحجر عمره فى يوم مانساه

صـــابر بصبر ايوب... على لقمه وهدمه يادوب

مش طــالب غيــر الســـتر ودا اللى بيتمنـــــاه
----------------------------------------
--------------------------------------------
الشاعر الجميل/ محمود عطيه :-
.........
طعــم الشقــــا مــر لكنه مـــــااحلاه

فــ عز عز التعب ينادى يـــــــــاالله

رامــــــى حمـــــــولى عليـــــــــــك

الصحه لو راحت هتبقى دى المأساه
----------------------------------
----------------------------------

19/6/2016
=============


مقتطفـــــــ السخيلى ـــــــات

----------------------
والطرحه تيجى ورا الطرحه

ونحد فيها ولا نملش

ونرص النشله مع النشله

سردين وبورى.. ومـ نأللش
........

دا رزقنا وربنا كاتبه

سمك فى ميه ما بيونش

بيلف ويدور على صاحبه

شبك وسناره بيلطش

سبحان العاطى اللى بيرزق

بيرزق الكون ما يكلش

طمعان فى جودك وف كرمك

وعطفك ورحمتك بينا

ياعاطى كل من سألك

يا أحن مننا علينا



===============

محمود السخيلى

24/9/2016
==============


============
كان نفسى أطفش واهاجر

=============
كان نفسى أطفش واهاجر

لكن ما باليد حيله

قدمت ورقى وفاكر

راح تخيل عليهم الحيله

قالولى بتطل شطاره

وارجع وفضها سيره



عايش فى بلد مش طيقانى

وعيشتى فيها موكوسه

قدمت فى وظيفه طلبانى

خطفها منى إبن الكوووسه

صرخت بكل ما فييا

وقلت دى عيشه منحوسه


يابلد ماشيه وبالمقلوب

وكل ما فيكى متلخبط

إبن الاصول علطول مغلوب

وابن الخامورجى بيتظبط

فاضل فى عقلى شويه يادوب

وعايش فيكى متشعبط


خلصت دراستى واتأهلت

طلبونى للجهاديه واتقدمت

وفى كل حرفه اتعلمت

وبكل لغه اتكلمت

مافاضلش غير انى اتندمت

على عيشتى فى بلد ماشيه بالمقلوب


وعجبـــــــــــ عليكى يابلد ـــــــــــــى 
====================

كلمات محمود السخيلى
11/10/2016
======
=======

السبت، مايو 28، 2016

مقتطفــــــ السخيلى ــــــــــات 
===========
يا دنيا ليه دايما مقلوبه
ومعايا علطول بتعاندى
وساعة الجد مغلوبه
ووقت الهزار 
تيجى لـ عندى
=============
===========
حمار ومربوط فى ساقيه
طول النهار مطحون
ولو إعترض ..فـ  داهيه
وسبب بلاه .. البطون
==============
=============
قضينا طول  عمرنا
شغل وشقى ومرار
لا علاوه إستثتا لنا
غير بغض واستحمار
=============
=============

ياسلام لوكان المدير خالى
ماكانش الحال دا بقا حالى
كنت كبرت واترقيت
ومكانى لغيرى صبح خالى
=============
============

شرم الشيخ يا شرم الشيخ
جايلك رحله أنا م المريخ
جاى ومعايا بصل وفسيخ 
حنى علينا وحيات والدك
كفايا علينا البحر وشمسك
مش عايزين لـ طااخ ولا طييخ
شرم الشيخ يا شرم الشيخ
================
ياشركه وخدانا خوانه
يابخت عمالك بيكى
شمال يمين طايعين أمرك
إيه اللى عايزاه يرضيكى
ماهو إحنا ماشيين بالبركه
والبركه مش راح تكفيكى
شايلينك على كفوف الراحه
وكتــافنا محنيه إليكى
كفايا كدا علشان خاطرى
وخاطرى مش غالى عليكى
يومين تلاته وسايبينها
لغيرنا راح يمرحو فيكى
-----
وعجبى
محمود السخيلى
===========
ياغلبك يابن آدم..
ماشوفت يوم راحه..
وان ضحكتلك الدنيا..
أكيد دى مزاحه..
إرمى حمولك على الله..
راح تجيلك مرتاحه..
===========
يرضى مين ربنا
راح تبقى البنيه كدا
لو فيه ضمير عندنا
ترضاها لضناك كدا
ياخلق عيب اختشو
لو فيه شوية دم
 دى لو كانت لحمك
 مش كان زمانه إتلم
.........
وعجبــــــــــ   لك يازمن ــــــــــتو
20/05/2015
........