قائمة المدونات الإلكترونية

الجمعة، مايو 21، 2010

هو هو _هى هى_ واللى يزعل طظ فيه


جزاره هى هى
عطاره هى هى
نجاره هى هى
وكله خلطبيطه
ورز مهلبيه

وزاره هى هى
حكومه هى هى
بطانه هى هى
واكلينها فرخه بيضه
خد بالك من دا هييه

حرامى هو هو
مرتشى هو هو
مختلس هو هو
قفاه يسد حيطه
بجاحه بكل قوه

دعاره هى هى
حارسينها هما هما
نسوانها هى هى
وكله زمبليطه
قال يعنى متداريه

بطاله هى هى
صياعه هى هى
ضياعه هى هى
شباب يهد حيطه
حكومه مفتريه

مجاعه هى هى
والجهل هو هو
والفقر هو هو
فـ الشارع ميييت لقيطه
صحابها مين دا هييه

اللحمه هى هى
تجارها هما هما
زباينها هما هما
اسعارها ميه ميه
هتخلى الدنيا شيطه
وانا هلطم مـ المهييه
=========

مع تحياتى

محمود السخيلى


20/5/2010

الأحد، مايو 09، 2010

سمك لبن تمر هندى






سمك لبن تمر هندى



سيبك منه إشترى من عندى



أى كلام واهو كله هجايص



من تأليفى أنا والله يافندى





شنكح فنكع كله بينفع



إقرا ياسيدى وإياك تدفع



نفسى أشوفك علطول هايص



شد فـ شعرك بكرا هتصلع





أى كلام مكتوب مايهمش



مايهمكش إقراه وماتنمش



شايفك ملبوخ كدهو ولايص



وعنيك زايغه عليه وبترمش





عمال تقرا فـ أى كلام



منتاش فاهمه وقول يا سلاااام



عمال تقرا وبتتوب



إياك تنعس إوعى تنام





من هب ودب أهو كله بيكتب



فـ كلام فاضى علينا بيكدب

ومن عبطنا بنمدح فيه

فاكر نفسه التونسى ويقلب




والله الواحه صعبانه عليا



من لخبطه شيفاها عنيا



من هب ودب أهو كله بيكتب



نفسى فـ يوم أمحيه بإديا



===========



مع تحياتى



محمود السخيلى



s@meh_415



7/5/2010