لما الدمعه تملا عنيكى

لما الدمعه تملا عنيكى

تلقى الفرحه غاليه عليكى

كنت زمان أسمع ضحكتها

لما نجوم السما تناديكى

فاكره زمان أيام طفولتنا

كنا بنرسم سوى دنيتنا

لما ارسم فستان مع طرحه

كنت بشوف فـ عنيكى الفرحه

كنا بنحلم ويا أمالنا

كنا بنرسم مستقبلنا

كنت بشوف النور فـ عنيكى

كنت بحس بلمس إديكى

كنا بنحضن سوى فرحتنا

كنا بنحلم نبقى فـ بيتنا

فاكره زمان أيام طفولتنا

كنا بنلعب سوى لعبتنا

كنتى عروسه ولابسه الطرحه

كنتى جميله وحلوه ومرحه

والفستان مرسوم على أدك

وانتى بطبعك دايما سارحه

فاكره زمان كان قدام بيتنا

شجره جميله على جنينتنا

كنا بنجرى ندور حواليها

كنتى بترسمى قلب عليه

واكتب إسمى يحضن إسمك

إيدى على إيدك بنخبيها

ليه دلوقت بتهربى منى

ليه دايما حبك يإلمنى

لو فى حد فـ قلبك غيرى

مش هسمحله يخطف طيرى

دنا حبيبك وانتى حبيبتى

وكنتى زمان على قلبى تغيرى

===============

مع تحياتى

محمود السخيلى

s@meh_415

7/4/2010

بين السما والبحر

بين السما والبحر

والنسمه لما تعدى

منظر طبيعى وسحر

تفوت عليه ما تعدى

فنان دا مين يرسمه

يتمنى يتعلمه

سبحان مين صممه

والعقل يجيب ويودى

الموجه بعد الموجه

على الصخور تترمى

مكسوفه ليه ومحروجه

مـ الصخر بتتألمى

تحكيله وتكلمه

خايفه عليه تئلمه

عـ الرمله وبترسمه

مـ تقولى واتكلمى

نرسم سوى قلبين

عـ الرمله جمب الشط

ونكتب سوى اسمين

ما يفصل بينهم خط

وحلم انا بحلمه

ولحن بنقسمه

قلبى ما كان يظلمه

وما يفرقنا حد

============

مع تحياتى

محمود السخيلى

s@meh_415

23/2/2010

محتــــار انـا مابيــــن لتنيـــــــن

مابين الاولى والتانيه

لقيت نفسى انا تايه

محتار أنا ما بين لتنين

والاولى احلى مـ التانيه

قلت اختار انا الاولى

لقيت نفسى تايه فيها

وكل اما ابعد انا عنها

الاقى نفسى راجع ليها

قلت ابعد انا تانى

يرجعنى ضيا عنيها

فضلت كتير على دا لحال

ومسكانى هى اديها

حبيت اهرب انا منها

وقلت اروح انا للتانيه

لقيتها مواربه شباكها

مابين الدرفه والتانيه

حبيت ادخل انا بينها

دخلت يادوب انا ثانيه

ما بين الكلمه والأهه

عتاب قلناه كتير بينا

وقلت خلاص انا ماشى

ولا عاد فيه وداد بينا

ورجعت تانى للأولى

وعاد الفرح ملا بيتنا

=======

مع تحياتى

محمود السخيلى

s@meh_415

15/12/2009