يا بحر مالك كدا ساكت
ليه ومبلم
سمعنى صوتك فرحنى
يللا اتكلم
مالك حزين شايفك مهموم
قوم فرفش قوم
هو السكات مش من طبعك
لتكون ناوى صوم
سيبك من اللى ناكر خيرك
ولاف غيرك
ما يسوى لحظه ف تفكرك
ولا تبكى عليه
مسيره يوم الشوق يناجيه
تانى ويجيلك
زاحف على رجليه وإيديه
أو حتى يعوم
أنا كنت لما يضيق بيا
كنت احكيلك
ع اللى حصلى مع خلى
واجرى اشكيلك
وفــ كل مره تواسينى
وتصبرنى
وتراضى خلى وتراضينى
كتر خيرك
يابحر موجك ليه عالى
مش دى عوايده
وللا الحبيب لما يعانى
الشوق بيعانده
بلاش مناهده
ياموج إهدا
وطول بالك
دا مهما كان الشوق
بيجيلك من عانده
============
كلمات
محمود السخيلى
28/3/2014